E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

“Historia përsërit vetveten”/ Spartak Ngjela jep mesazhin e fortë

9 Shtator 2021, 15:23, Aktualitet CNA

Avokati i njohur Spartak Ngjela ka dalë me një reagim në rrjetet sociale ku cek çështjen e talebanëve.

Ngjela shkruan se talebanizmi është patologji e ngritur në sistem, kundër qytetërimit perëndimor.

Kujtojmë që Shqipëria ishte ndër vendet e para që u ofrua të presë qytetarët afganë që u detyruan të linin vendin e tyre për shkak të kërcënimit nga talebanët.

POSTIMI I PLOTË I NGJELËS

Çfarë është çështja Taleban, është një rast historik, është një fenomen, apo është një histori që përsëritet në mënyrë periodike që nga lindja e qytetërimit?

Historia përsërit vetveten.

Kjo tani nuk është më fare një mendim poetik, por thjesht një e vërtetë e aprovuar nga historia si rrjedhë ngjarjesh.

Pikërisht kjo e vertetë, e cila e ka mbushur historinë, nuk është më një fenomen i kontrolluar që në lindje të tij, por një fenomen që mposhtet me politikë të hollë.

Në fakt talebanizmi është patologji e ngritur në sistem, kundër qytetërimit perëndimor.

Ku kapet kjo më qartësisht si provë?

Prova më e qartë është qëndrimi ndaj femrës, vajzës dhe gruas.

Dhe kjo nuk është një ngjarje e re. E gjithë bota islame e Lindjes së Mesme, kush më shumë e kush më pak, e quan degjenerim qytetërimin perëndimor.

Kështu e quajti edhe stalinizmi; dhe po kështu e quajti edhe nazizmi, por këto dy lëvizje të antiqytetërimit perëndimor, nuk i lejojë arti, letërsia dhe teatri, që të kishin unitet të brendshëm; madje, duke e lënë Luftën e Dytë Botërore mënjanë: këto dy lëvizje të gjata të patologjisë njerëzore, i shkatërroi shpirti poetik me artin dhe letërsinë brenda në kështjellën e Moskës dhe të Berlinit.

Por, a do të mundet arti: piktura, muzika dhe letërsia moderne ta mposhtë nga brenda patologjinë kriminale të talebanizmit në Avganistan?

Kjo do të varet shumë nga veprimtaria artistike dhe intelektualisht e iluminuar e njerëzve të qytetëruar me Perëndimin, të cilët u larguan nga Kabuli përdrejt Evropës.