web counter
LEXO PA REKLAMA!

SHKARKO APP

App Store
Google Play

Tjetër Bashist kundër Berishës/ Mund ta heqim nga grupi parlamentar

3 Shtator 2021, 19:49, Politikë CNA

Anëtari i ri i Kryesisë së PD, Fitim Zekthi, ka folur rreth çështjes së ish-kryeministrit Sali Berisha si pjesë e parlamentit të ri, pas shpalljes ?non grata? nga SHBA.

Ai është shprehur se PD nuk mund ta ndalojë futjen e Berishës në Kuvend, por sipas tij ajo mundet që ta konsiderojë një vendim për të mos e cilësuar atë pjesë të grupit parlamentar.

?Zoti Berisha ka thënë vetë që do të jetë në parlament. Kjo nuk ka diskutim. PD nuk mund ta ndalojë futjen e Berishës në parlament pasi ai është një deputet i zgjedhur nga shqiptarët. Por PD mund të marrë në konsideratë një vendim të saj për të mos e cilësuar atë pjesë të grupit parlamentar të Partisë Demokratike, pra ky është diskutimi. Ky është gjykimi im. Mesa di unë PD e ka pasur një qëndrim në lidhje me këtë çështje?, u shpreh Zekthi në A2.

Më tej Zekthi ka shtuar se Berisha është trashëgimia historike e PD.

?Arritjet e PD janë nën shenjën e këtij njeriu. PD respekton statutin dhe për përjashtimin e njerëzve. PD nuk mund ta përjashtojë nëse nuk shkelet një nga këto klauzola?, tha më tej Zekthi./ CNA.al





Lajmet e fundit nga