E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

“Një tufë mediokrësh”/ Kandidati i Kryemadhit sulmon qeverinë “Rama 3”

3 Shtator 2021, 11:56, Politikë CNA

Kandidati i LSI për deputet në zgjedhjet e 25 Prillit, Besnik Jakaj, me anë të një analize, është ndalur tek zgjedhjet, Qeveria dhe qeverisja.

?Sistemi politik pluralist demokratik, ka në themel të saj zgjedhjet konkuruese që partitë politike me ambicie qeverisese bëjnë.

Partitë politike hartojnë programin sektorial, përzgjedhin përfaqësuesit më të spikatur të shoqërisë me integritet të lartë profesional, moral e shoqërorë.

Ky ekip me program qeverisës paraqet e spjegon programin sektorial qeverisës përpara qytetareve, qytetarët sigurisht që votojnë për programin dhe ekipin më të mirë dhe bindës për qeverisjen e vendit.

Në zgjedhjet e 25 prillit 2021 në vendin tonë nuk ndodhi kjo, u përdor pushteti, administrata, bandat, paratë e buxhetit, pandemisë, tërmetit, krimit, drogës e gjithçka tjetër për të blerë, manipuluar e tjetërsuar votën e qytetarëve, gjë e cila u realizua me shumë sukses?, shkruan Jaka në rrjete sociale.

Sipas të njëjtit, nuk mund të ndodhte ndryshe e për pasojë kemi Qeverinë e prezantuar dje nga Rama.

?Po të analizosh kabinetin për nga pikëpamja e CV, integritetit profesional e moral, janë nën mesataren e çdo sektori, por edhe nën mesataren e shoqërisë, me pak fjalë për sa i përket aftësive profesionale, integritetit moral e shoqërorë, një kabinet të tillë mund ta prodhojë çdo bashki, njësi administrative, qytet e katund.

Por ky kabinet ka një specifikë shumë të veçantë, të studiuar e testuar deri në detaj, janë të aftë të shkelin ligjin menjëherë sapo ta thotë Rama, sepse nuk e njohin ligjin e as parimin moral e profesional, thjesht njohin Ramën, e kjo mjafton për tu bërë ministër?, shkruan më tej ai.

?Këta janë vetëm për të firmosur.

Këtë qeveri fatkeqësi, prodhuan zgjedhjet e vjedhura, të manipuluara e të tjetërsuara, sepse nuk duhen kapacitete qeverisëse sektoriale për mirë qeverisje profesionale, por duhen vetëm velina që firmosin, pasi qeveria jonë nuk ka detyrim për qytetarët ka detyrim vetëm për bandat, trafikantët, oligarkët e patronazhistët, e këta të fundit, nuk duan e as nuk kanë nevojë për qeveri me kapacitete profesionale e integritet moral.

Ata duan e ju duhet thjesht firma.

Ky është kabineti më mediokër në historinë e Shqipërisë dhe shqiptarët janë përballë kësaj fatkeqësie.

Pyetja është, a do ta pranojmë në heshtje të nënshtruar e të turpëruar, e do vazhdojmë të largohemi çdo ditë e më shumë nga vendi jonë, për shkak të keq qeverisjes paaftësis e padrejtësisë?!

Apo të bashkohemi për dinjitet, për veten, vendin e brezat, koha nuk pret…

Çdo sakrificë ja vlen për demokracine, drejtësinë, dinjitetin, vendin e brezat. Unë besoj fort në demokraci, drejtësi e vlera, për to ja vlen të luftosh çdo ditë.?, përfundon analizën Jakaj./CNA.al