web counter
LEXO PA REKLAMA!

SHKARKO APP

App Store
Google Play

60 000 fëmijë janë larguar në 10 vite nga Shqipëria/ Meta “zgjohet” në drekë i shqetësuar

3 Shtator 2021, 11:42, Politikë CNA

Presidenti Ilir Meta ka dalë me një reagim në rrjetet sociale, ku shfaqet i shqetësuar për largimin e fëmijëve nga Shqipërisë.

Lajmi ka qarkulluar që në fillim të javës, por, vetëm sot Meta është shqetësuar.

?Sipas të dhënave të bëra publike nga EUROSTAT, mbi 60.000 fëmijë janë larguar nga Shqipëria dhe kanë kërkuar azil për herë të parë në një vend të BE-së gjatë 10 viteve të fundit (2011-2020).

Mbi 82 përqind e tyre janë nën moshën 14 vjeç.

Thellësisht i shqetësuar për këtë largim masiv të fëmijëve nga Shqipëria, veçanërisht për faktin se destinacioni i tyre final është i paqartë, e mbështes kërkesën e CRCA/ECPAT dhe inkurajoj ngritjen e një Komisioni Hetimor Parlamentar, me hapjen e Kuvendit të ri, për të hetuar gjendjen dhe vendodhjen e tyre, analizuar arsyet dhe përgjegjësit, si dhe rekomanduar masat efikase me qëllim ndërtimin e një strategjie konkrete shtetërore për ndalimin e këtij fenomeni të rrezikshëm?, shkruan Meta në rrjete sociale.

Më tej ai apelon që të bhët gjithçka për të ruajtur fëmijët dhe shëndetin e tyre.

Nuk dihet se kujt ia drejton apelin, deri vetë ëhstë në krye të Shtetit.

?Të bëjmë gjithçka për fëmijët dhe të rinjtë shqiptarë, për të mbrojtur jetën dhe shëndetin e tyre, duke rikthyer besimin dhe garantuar mundësi dhe hapësira të reja, për t’u ndjerë plotësisht të realizuar, për të ndërtuar të ardhmen e tyre të sigurt europiane në Atdhe?, shkruan Meta./CNA.al





Lajmet e fundit nga