Incidenti i Glevicit/ Si e inskenuan nazistët ngjarjen që solli fillimin e Luftës së Dytë Botërore

3 Shtator 2021, 07:50, Politikë CNA

Mbrëmjen e 31 gushtit 1939, një ekip SS nazistësh prej 7 personash të maskuar si ushtarë polakë, sulmuan stacionin e radios në qytetin e atëhershëm gjerman Gleivic. Ata terrorizuan personelin gjerman, hapën mikrofonin dhe njoftuan në gjuhën polake:?Kujdes! Ky është Glivice. Radiostacioni është në duart e polakëve?.

Synimi i tyre ishte të shkaktonin një provokim, që do të justifikonte më pas sulmin e Adolf Hitlerit mbi Poloni. Operacioni dështoi. Ekipi SS mësyu në radiostacionin e gabuar. Mesazhi i tyre, që përmbante vetëm 9 fjalë në gjuhën polake, nuk u dëgjua në të gjithë Gjermaninë, ndërsa aleatët e Polonisë, Franca dhe Britania, nuk u bindën nga ajo shpallje e beftë e luftës.

Operacioni do të kishte mbetur në kufijtë e një farse, po të mos kishte shkaktuar viktimën e parë të luftës, polakun Francizek Honiok. Ai u vra në mënyrë që trupi i tij të mund të paraqitej si ?dëshmi? e pushtimit polak. Siç dihet Incidenti i Gleivic, ishte pjesë e një fushate gjermane të lajmeve të rreme në ditët që i paraprinë pushtimit gjerman të Polonisë në vitin 1939.

Më 11 gusht, ai i tha Komisionerit të Lartë të Lidhjes së Kombeve:?Në rast se do të ndodhë edhe provokimi më i vogël, unë do ta copëtoj Poloninë pa asnjë paralajmërim në aq shumë pjesë, saqë nuk do të ketë asgjë për të marrë?.

Ndërkohë, më 22 gusht Hitleri u tha komandantëve të tij ushtarakë:?Unë do t?ju jap kauzën propagandistike për nisjen e luftës, qoftë ajo bindëse apo jo. Fituesi nuk do të pyetet më vonë nëse tha apo jo të vërtetën?.

Për të plotësuar dëshirat e Hitlerit, shefi i sigurisë SS, Rajnhard Hajdrih mblodhi një grup oficerësh të lartë të SS, të cilëve u tha se lufta me Poloninë ishte e pashmangshme. Ata planifikuan së bashku organizimin e një serie operacionesh mashtruese përgjatë kufirit polak-gjerman në Silezinë e Sipërme.

Ata identifikuan disa pika të izoluara që mund të sulmoheshin nga gjermanët, që pretendonin se ishin ?agresorë? polakë .Plani përfshinte një sulm ndaj doganës në fshatin e atëhershëm kufitar gjerman Hohlinden, në të cilin 6 të burgosur nga kampi i përqendrimit Sasenhauzen u veshën me uniforma polake dhe u pushkatuan.

?Polakët? do të pushtonin radiostacionin, dhe do të transmetonin një deklaratë nacionaliste në gjuhën polake, që do të dëgjohej nga gjermanët në shtëpitë e tyre.Ky operacion ishte tepër sekret dhe nisi vetëm kur Hajdrih dha fjalëkalimin me telefon:?Gjyshja vdiq!?

Sulmi u drejtua nga një major SS i quajtur Alfred Naujoks. Ai ishte një boksier amator i njohur, dhe shpesh përfshihej në duele me komunistët. Ai iu bashkua SS në vitin 1931, duke u bërë një nga agjentët më të besuar të Hajdrih. Por ajo që ai nuk dinte ishte se në Gleivic rreth 4 km më larg, gjendej një radiostacion më i vjetër, i ndërtuar në vitin 1925, ku ndodheshin studiot e transmetimit.

Duke pretenduar se ishin rebelë nga Silezia, sulmuesit hynë nga dera e pasme dhe arritën pa asnjë pengesë deri në dhomën e transmetimit, ku punonin 3 teknikë. Ata u arrestuan dhe u mbyllën në bodrum. Komandot kërkuan më kot mikrofonin për të filluar transmetimin e tyre.

Njëri nga sulmuesit filloi të lexojë mesazhin e përgatitur në gjuhën polake, por vetëm disa nga fjalët u transmetuan:?Kujdes! Ky është Glivice. Radiostacioni transmetimit është në duart e Polonisë?.Për arsye që mbeten ende mister, transmetimi u ndërpre papritur. Ndoshta një nga punonjësit e radiostacionit e ndërpreu transmetimin ose pati një defekt teknik.

Për ta bërë sulmin që të dukej si i vërtetë, gjermanëve të burgosur në kampet e përqendrimit dhe të veshur me uniforma polake iu dhanë injeksione vdekjeprurëse, dhe më pas u qëlluan në fytyrë për të shmangur identifikimin e tyre. Kufomat e tyre u fotografuan dhe iu treguan gazetarëve.

Ndërkohë, Francizek Honiok, një shtetas gjerman me kombësi polake, ishte arrestuar një ditë para incidentit. Ai u la pa ndjenja pak para bastisjes, pastaj u tërhoq në radiostacion, ku u qëllua me armë në pjesën e pasme të kokës dhe u hodh në hyrje të radiostacionit.

Shumë pak dihet mbi vetë sulmuesit. Ata ndoshta ishin kryesisht trupa SS që dinin polonisht. Ata mbanin veshur rroba pune dhe jo uniforma polake, pasi supozohej të dukeshin si kryengritës nga kryengritjet sileziane të20 viteve më parë. Në atë kohë, Polonia nuk u kishte dhënë uniforma kryengritësve, pasi kjo do të ishte baraz me shpalljen e luftës ndaj Gjermanisë.

Edhe pse operacioni kishte dështuar në shumë aspekte, Hitleri e kishte më në fund provokimin e tij të para-përgatitur. Në orën 4.00 të mëngjesit të së nesërmes 29 bombardues gjermanë u ngritën për të sulmuar qytetin polak të Vielinit duke shënuar kështu fillimin e Luftës së Dytë Botërore./CNA.al