web counter
LEXO PA REKLAMA!

SHKARKO APP

App Store
Google Play

Dorëzohen aplikimet/ Kush janë 5 prokurorët që garojnë për të qenë pjesë e KLP-së

3 Shtator 2021, 15:20, Politikë CNA

Pesë prokurorë kanë kandiduar për të qenë pjesë e Këshillit të Lartë të Prokurorisë.

Emrat që kanë shprehur interes për të qenë pjesë e KLP, Sokol Stojani, Ludovik Doda, Deniona Katro, Elona Alvora dhe Zeqir Hodo.

KLP do të bëhet me anëtarë të rinj, pasi anëtarët që kishin mandat 3-vjecar, do të zëvendësohen brenda dhjetorit 2021.

NJOFTIM PËR MEDIAT

Përfundon procedura e shprehjes së interesit për kandidatë në Këshillin e Lartë të Prokurorisë e shpallur nga Prokurori i Përgjithshëm Olsian Çela në 22 korrik 2021 bazuar në ligjin 115/2016 ?Për organet e qeverisjes së sistemit të drejtësisë?.

Në përfundim të afatit të përcaktuar, datë 03.09.2021, kanë shprehur interes dhe kanë dorëzuar dokumentacionin e kërkuar prokurorët nga prokuroritë e juridiksionit të përgjithshëm si më poshtë:

Znj. Deniona Katro, prokurore, Prokuroria pranë Gjykatës së Shkallës së Parë, Tiranë;

Zeqir Hoda, prokuror, Prokuroria pranë Gjykatës së Shkallës së Parë, Tiranë;
Z. Sokol Stojani, prokuror, Prokuroria e Përgjithshme;
Znj. Elona Alvora, prokurore, Prokuroria pranë Gjykatës së Shkallës së Parë, Vlorë;
Z. Ludovik Doda, prokuror, Prokuroria e Apelit, Durrës

Nga ana e Prokurorisë së Përgjithshme brenda 7 ditëve nga përfundimi i afatit për dorëzimin e shprehjeve të interesit, do të bëhet verifikimi i dokumentacionit dhe kushteve ligjore. Pas përfundimit të kësaj procedure kandidaturat do të shpallen në faqen zyrtare, për të vijuar me organizimin e mbledhjes së përgjithshme të prokurorëve pas thirrjes të saj nga Prokurori i Përgjithshëm, në përputhje me legjislacionin në fuqi.

 





Lajmet e fundit nga