web counter
LEXO PA REKLAMA!

SHKARKO APP

App Store
Google Play

Merrte ryshfet dhe lejonte ndërtimet pa leje/ SHÇBA arreston inspektorin e policisë

25 Gusht 2021, 16:31, Kronika CNA

Shërbimi për Çështjet e Brendshme dhe Ankesat (SHÇBA) ka arrestuar për veprat penale të ?Shpërdorimit të Detyrës? dhe ?Korrupsionit Pasiv?, Inspektorin L.V, 47-vjeç me detyrë Specialist i Policisë Kriminale pranë Komisariatit të Policisë Nr.6 në Tiranë.

Mësohet se ky i fundit ka marrë shuma monetare të paligjshme, në këmbim të premtimit për ndërtimet pa leje.

SHÇBA njofton se për këtë është bazuar në kallëzimin e shtetasit E.B., në datë 25 gusht 2021.

?Mbështetur në faktet dhe provat e administruara gjatë hetimeve paraprake të zhvilluara, punonjësi i Policisë, L.V., gjatë një periudhe kohore të vazhdueshme, ka kryer veprime aktive, në shpërdorim të funksionit të tij organik, duke kërkuar dhe marrë shuma monetare të paligjshme, në këmbim të premtimit për mosveprimin e strukturave policore për ndërprerjen e paligjshmërisë në fushën e ndërtimeve pa leje?, njofton SHÇBA.

Vazhdon puna investigative dhe procedurale në lidhje me dokumentimin, sqarimin e pozitës së tij, si dhe identifikimin e personave të tjerë të mundshëm të përfshirë në këtë veprimtari.

Materialet procedurale në lidhje me veprimtarinë kriminale të kryer nga shtetasi i ndaluar i kaluan Prokurorisë pranë Gjykatës së Shkallës së Parë Tiranë./CNA.al





Lajmet e fundit nga