web counter
LEXO PA REKLAMA!

SHKARKO APP

App Store
Google Play

E fundit!

x

Shembet ndërtesa në Torino/ Ndërron jetë fëmija shqiptar, plagosen tre të tjerë

24 Gusht 2021, 13:32, Kronika CNA

Një ngjarje e rëndë ka ndodhur në Torino, ku një fëmijë shqiptar, katër vjeç, ka ndërruar jetë ndërsa tre persona të tjerë kanë mbetur të plagosur, pas shembjes së një ndertese dy katëshe.

Mediat italiane raportojnë se në banese gjendej një grua 34 vjeçare, me origjinë nga Shqipëria së bashku me fëmijën e saj 4 vjeçar.

E ndërkohë që e ëma ia ka dalë të shpëtojë e gjallë nga shpërthimi i madh, katër vjeçari është ndarë nga jeta.

Shembja ndodhi para orës 9 të mëngjesit dhe zhurma u dëgjua deri në rrethin Madonna di Campagna, shpërthim i cili erdhi si pasojë e një rrjedhje gazi.

Ndërtesa kishte 6 apartamente dhe në të strehoheshin familje me origjinë shqiptare dhe rumune.

Rreth orës 10.30 një burrë u identifikua gjithashtu nën rrënoja dhe së fundmi është transportuar në spital, por gjendja e tij duket e qëndrueshme.

Dy djem të tjerë u shpëtuan jashtë ndërtesës dhe një 22-vjeçar, i cili jetonte në katin e dytë, pësoi djegie të rënda në 50% të trupit dhe është shtruar në spital. Për momentin nuk duket se ka persona të tjerë të përfshirë në kolaps.

Operacionet e kërkimit-shpëtimit përfunduan në orën 1.30 pasdite, ndërsa masat e bonifikimit dhe sigurisë vazhdojnë.





Lajmet e fundit nga