web counter
LEXO PA REKLAMA!

SHKARKO APP

E fundit!

x

Rrezikoi jetën e qytetarëve me kapsolla/ Arrestohet agresori në Korçë

23 Gusht 2021, 07:50, Kronika CNA

Një 21-vjeçar ka rrezikuar natën  e mbrëmshme jetën e qindra qytetarëve, pasi ka hedhur kapsolla gjatë Festës së Birrës.

Ky i fundit menjëherë ka rënë në prangat policisë, pasi ka rrezikuar seriozisht jetën e qytetarëve mes të cilëve kanë qenë edhe shumë fëmijë.

?21-vjeçari Redon Leka, ka hedhur kapsolla lakrimogjene, me qëllim cënimin e rendit dhe sigurisë publike në aktivitet, por menjëherë u kap nga shërbimet e policisë duke bërë që ky veprim të mos cënonte mbarëvajtjen e aktivitetit i cili u mbyll sipas programit.  Gjatë shoqërimit të shtetasit Redon Leka, për në ambientet e Komisariatit, shtetasi tjetër F. K., ka kundërshtuar forcat e policisë, me qëllim pengimin e tyre në kryerjen e detyrës?, njofton policia.

Në vendngjarje u gjet e sekuestrua në cilësinë e provës materiale 1 kapsollë detonatore e paplasur.

Nga ana e Policisë po punohet për dokumentimin e plotë dhe vënien para përgjegjësisë ligjore të personave të tjerë që mund të jenë përfshirë në këtë ngjarje./CNA.al





Lajmet e fundit nga