web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet personi me armë që doli në video/ Policia tentoi ta fshihte dhe vazhdon të manipulojë ngjarjen

24 Gusht 2021, 12:52, Kronika CNA

Policia e Korçës, ka dhënë informacion zyrtar në lidhje me ngjarjen e djeshme në Moravë, ku një person mbeti i plagosur.

Në një njoftim për mediat, uniformat blu bëjnë të ditur se është vënë në pranga personi, i cili një ditë më parë doli në video, me armë.

Por, ajo që vihet re është fakti se policia e Korçës vijon të manipulojë ngjarjen.

Fillimisht policia tha se bëhej fjalë për një plagosje me mjete te mprehta, më pas doli dhe arma.

Policia fillimisht ka njoftuar vetëm për plagosjen e një personi, duke e paraqitur atë si viktimë, por në fakt mesa duket e vërteta ka detaje të tjera.

CNA.al ka siguruar një video ekskluzive, ku duket se personi që pretendohet se ka ngelur i plagosur shoqërohet nga persona te tje?ë dhe nje prej tyre ka qëlluar më armë zjarri.(Lexo ketu).

Por, sot policia ka dalë me një njoftim zyrtar, ku thuhet se personi me armë është vënë në pranga.

?Në vijim të veprimeve hetimore të kryera, me qëllim zbardhjen dhe dokumentimin e plotë të ngjarjes së ndodhur një ditë më parë, në afërsi të një kompleksi në Malin e Moravës, Korçë, ku u plagos me sende të mprehta e të forta shtetasi S. M., 68 vjeç, banues në Korçë, ju informojmë se:

Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprat penale ?Kanosja? dhe ?Armëmbajtja pa leje? të djalit të tij shtetasit E. M., 33 vjeç, banues në Korçë.

Nga deklarimet e marra dhe nga këqyrja e pamjeve filmike rezulton se, shtetasi E. M., gjatë një konflikti për motive të dobëta me shtetasin A. R., 26 vjeç, banues në Tiranë, e ka kanosur këtë të fundit me një send, në dukje si armë zjarri tip pistoletë.

Shtetasi A. R., më pas ka plagosur me sende të mprehta e të forta, babain e 33-vjeçarit, shtetasin S. M., i cili ka qenë i pranishëm në vendngjarje dhe aktualisht ndodhet në Spitalin e Korçës, në gjendje të rëndë shëndetësore. Gjatë këtij konflikti ka marrë dëmtime të lehta edhe shtetasi E. M., i cili ndodhet jashtë rrezikut për jetën.

Shtetasi A. R., u arrestua në flagrancë nga Policia menjëherë pas ngjarjes së ndodhur për veprën penale ?Plagosja e rëndë me dashje?.?-thuhet në njoftimin e policisë.

Përtej një ngjarje që u interpretua se pronari i hotelit kishte goditur komshiun për motive pronësie, në media u raportua se ngjarja kishte pasur të tjera detaje.

Ndërkohë, në njoftimin e sotëm, policia thotë se personi i arrestuar është parë me një mjet që duket si armë, por në vendngjarje janë gjetur gëzhoja. Qe do të thotë që ka pasur dhe persona që kanë qëlluar me armë në vendngjarje.

Pra, sot vetë Policia e Korçës tregoi sesi një ditë më parë u tentua të fshihej e vërteta./CNA.al

Video-ekskluzive/ Si ndodhi përplasja me armë në Moravë?

Komisariati i Policisë Korçë i lidhur me krimin





Lajmet e fundit nga