web counter
LEXO PA REKLAMA!

SHKARKO APP

App Store
Google Play

E fundit!

x

Foto-Korça si kurrë më parë/ Festa e Birrës "ndez" qytetin

19 Gusht 2021, 19:59, Kulturë CNA

Festa e Birrës është evenimenti më i rëndësishëm për sezonin turistik në qytetin juglindor që shënoi edhe kulmin e verës.

Me muzikën live, këngëtarë të ftuar, gatimet tradicionale dhe një shumëllojshmëri birrash, atmosfera e krijuar ka ngrohur jo vetëm qytetarët korçarë por edhe turistët që zgjodhën Korçën për të kaluar disa ditë pushimi.

Kënaqësinë që ata po marrin nga ky eveniment, turistët e kanë shprehur pa ngurruar dhe duke trokitur gotat e birrës për të festuar. Shumë prej tyre do të qëndrojnë gjatë gjithë netëve të festës, por ka edhe nga ata që vizituan Korçën vetëm për këtë natë të evenimentit.

Edhe qytetarët korçarë shprehen për CNA.al të mahnitur nga atmosfera e bukur që është krijuar, duke treguar se gjejnë një gjë ndryshe nga monotonia e përditshme.

Ambjentet e terminalit janë të mjaftueshme për të pritur pjesëmarrësit, dhe për të qëndruar nëpër tavolina me familjarët e tyre dhe miqtë.

Krahas festës në zonën e terminalit, edhe tek Pazari i Vjetër i qytetit shihet një numër i lartë i qytetarëve korçarë dhe i turistëve vendas e të huaj.

Ka shumë turistë të huaj nga Izraeli, Zvicra e Gjermania që kanë zgjedhur Korçën pikërisht për festën e Birrës. Sipas tyre, atmosfera është fantastike, ushqimi shumë i mirë dhe i shijshëm, dhe për ta është zgjedhja e duhur që vizituan qytetin juglindor në këtë eveniment./CNA.al





Lajmet e fundit nga