E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Katastrofa mjedisore/ “Vrasësit” e qytetarëve të Fierit të lirë

14 Gusht 2021, 10:13, Aktualitet CNA

Për më shumë se dy javë qyteti i Fierit, u mbulua nga tymi për shkak të djegies së mbeturinave urbane.

Qyteti i Fierit u përball me ndotjen më të rëndë mjedisore të shkaktuar nga tymi toksik, gjë që detyroi qytetarët në Fier dhe në zonat përreth të braktisnin shtëpitë, për shkak të helmimit.

E gjithë situata u pa në këndvështrimin politik dhe u kthye në një përplasje PS-PD, ndërkohë që paguanin me jetë qytetarët e Fierit.

Për katastrofën mjedisore, që CNA.al raportoi e para, institucionin e drejtësisë nuk lëvizën as gishtin. (Lexo këtu)

Mirë SPAK që e ka larg dhe nuk i vjen tymi dhe bloza deri në Tiranë, por as Prokuroria dhe Policia e Fierit nuk u ndjenë.

Për disa ditë radhazi, Fieri u bë ushqim politik herë majtas e herë djathtas.

Në një nga ditët e krimit mjedisor në Fier, u shfaq edhe kreu i PD Lulzim Basha nga rrjetet sociale, ku akuzoi qeverinë se po lejonte djegien e plehrave në landfillin e Fierit, që të paguajnë inceneratorin.

?Dita e katërt e katastrofës mjedisore në Fier. E njëjta skemë kriminale si në Durrës e Kavajë. Digjen plehrat, helmohen familjet, vetëm që të justifikojnë më pas pagesa të majme inceneratorëve me aksionerë mafian dhe qeveritarët e korruptuar?, shkruante Basha në rrjete sociale, duke i kërkuar SPAK që të hetonte padinë e PD-së për abuzim me 400 milionë euro pagesa për inceneratorët.

Ndërkohë që ditët kalonin, të nxira bloz nga tymi toksit, saqë në rrugë drejtuesit e automjeteve detyrosheshin të përdornin dritat e e gjata në mes të ditës, dilte nga ana tjetër edhe PS nëpërmjet kryebashkiakur të Fierit, Armando Subashi, i cili kundërpërgjigjej po me akuza.

‘E mbani mend që në 2015 kemi marrë atë vendim për faktin se kjo situatë që shohim sot ka qenë e vazhdueshme ndër vite. Vazhdimisht plehrat digjeshin, kjo ishte arsyeja që një ndër vendimet e para ishte shpallja e emergjencës mjedisore. Mbi bazën e atij vendimi kishim mbështetjen e qeverisë. Sot që flasim ky problem është i zgjidhur. Sot kemi një vlerë të madhe publike që është gati të presë depozitimin e mbetjeve dhe trajtimin e tyre.

Ajo çfarë ka ngelur dhe ka mbetur në ditët e fundit është rehabilitimi i rrugëve që na çojnë tek inceneratori. Nuk kanë qenë rrugët e bëra. Po bëjmë një stacion për transferimin e mbetjeve, distance nga Fieri te inceneratori është e konsiderueshme, nuk shkojnë dot mjetet gjithë natën dhe të bëjnë shumë rrugë, do ishte humbje kohe dhe shpenzime pa fund. Pra ndërtimi i stacionit dhe blerja e mjeteve të reja që do të transferonin në bllok. 30 gushti do të jetë afati maksimal që mund të mbyllim këtë fushë 74-vjeçare të mbetjeve, vend depozitimin e mbetjeve të Fierit dhe fillojmë me inceneratorin.?, deklaronte Subashi sikur s?kishte ndodhur asgjë.

Pra përgjegjës për këtë situatë nuk kishte. Kishte vetëm akuza politike, ndërkohë që pasojat i vuajtën dhe vazhdojnë t?i vuajnë qytetarët e Fierit.

Por, ?vrasësit? e tyre sot e kësaj dite janë të lirë të paprekshëm nga drejtësia. Në çdo vend të botës një katastrofë e tillë mjedisore do të hetohej dhe përgjegjësit do të shkonin para drejtësisë.

Duke parë që kjo e fundit hesht, përgjegjësit nuk janë qytetarë të thjeshtë dosido, por zyrtarë të lartë të lidhur me politikën, nga ata që të vrasin natën e të qajnë ditën./CNA.al

Afera me inceneratorët/ SPAK ka prova të korrupsionit në Fier

Situatë alarmante në Fier/ Tym dhe blozë në çdo shtëpi

Zbulohen fijet/ Si u përdor Top Channel për të mbrojtur aferën 330 mln euro të plehrave

Milionat për inceneratorin nuk e shpëtojnë Fierin nga reja ?toksike? e mbetjeve që digjen

Zbulohen fijet/ Si u përdor Top Channel për të mbrojtur aferën 330 mln euro të plehrave

Situatë alarmante në Fier/ Tym dhe blozë në çdo shtëpi