web counter
LEXO PA REKLAMA!

SHKARKO APP

App Store
Google Play

Terminali i pasagjerëve në Korçë, shoferët revoltohen me tarifat e reja të parkimit

13 Gusht 2021, 13:48, Aktualitet CNA

Këshilli bashkiak i Korçës ka miratuar tarifat për parkimin e autobusëve në terminalin e ri. Për drejtuesit e këtyre mjeteve të transportit ndërqytetës, çmimet janë të larta dhe do i çojnë drejt falimentimit.

Kundërshtimet e tyre ata i kanë shprehur në mbledhje këshilli, por sipas tyre nuk janë marrë parasysh.

?Shumë e shtrenjtë. Sidomos për fshatrat. Për ne që bëjmë edhe rrugë bosh, pavarësisht se jemi korrektë me oraret. E kemi pasur 50 lekë orën në bashki, tani na e kanë bërë 160 lekë orën?, u shpreh një shofer.

Lushi Memelli ka 20 vite që punon në linjën Maliq-Korçë dhe si taksapagues i rregullt tashmë thotë se nuk i ka mbetur rrugë tjetër veçse të djegë autobusin.

?Tarifat janë shumë ë larta, të papërballueshme. Unë paguaj 450 lekë për një orë. 600-700 i kam naftë, 150 i paguaj për hyrje. Dal zero. Në radhë të parë bashkia nuk duhet të vinte te ne që jemi të rregullt, por të ndalonte ato që punojnë në mënyrë të pandershme?, u shpreh z. Memelli,.

Për linjat brenda bashkisë Korçë tarifa e pagesës për çdo linjë do të jetë 80 lekë të reja, për linjat Maliq-Korçë 150 lekë të reja dhe ato ndërqytetëse Pogradec, Ersekë, Bilisht 350 lekë të reja ndërkohë që para ndërtimit të terminalit pagesat kanë qenë 50 lekë të reja për orë. Ndërkohë që për linjat jashtë qarkut të Korçës pagesa në terminal do të jetë 500 lekë të reja.

Bashkia Korçë shprehet për Euronews Albania se tarifat e reja kanë qenë me vendim të këshillit bashkiak dhe në përputhje me ligjin dhe kërkesat e tregut./euronews

 





Lajmet e fundit nga