web counter
LEXO PA REKLAMA!

SHKARKO APP

App Store
Google Play

E fundit!

x

Arratisjet spektakolare nga burgjet ndër vite/ Emra të rinj, histori e vjetër

13 Gusht 2021, 06:42, Aktualitet CNA

Tentativat për arratisje nga burgu i biznesmenit Arbër Çekaj, Fatmir Pjetri dhe jo vetëm kanë bërë së fundmi xhiron e mediave dhe kanë vënë në pikëpyetje sigurinë në burgje.

Por, sipas Drejtorisë së Përgjithshme të Arkivave, arratisjet nga burgu janë një histori e vjetër, thjesht ndryshojnë vetëm emrat e atyre që duan të lënë qelitë, duke u arratisur.

Referuar dokumentave që disponon, Drejtoria e Përgjithshme e Arkivave, me anë të një postimi në rrjete sociale, thotë se arratisje spektakolare ka pasur në Shqipëri edhe në vitin 1920, kur një guardian  dukej se bashkëpunonte në arratisjen e tetë personave nga burgu i Tiranës, njëri prej të cilëve ishte i biri i vetë gardianit

?Tentativat për t?u arratisur nga burgjet shpesh nuk dalin me sukses, por personat që janë duke vuajtur dënimet brenda katër mureve, me ç’duket, nuk kanë çfarë të humbasin, ndaj dhe e provojnë shpesh këtë mënyrë.

Disa prej arratisjeve spektakolare nga burgjet kanë hyrë dhe në histori, duke u kthyer në romane apo filma.

Të tilla arratisje ka patur edhe në Shqipëri, ndoshta duke përjashtuar periudhën 1945-1990: edhe po të arratiseshe, ku do shkoje? 

Në Arkivin Qendror Shtetëror ruhen dokumente të para një shekulli, ku flitet për arratisjen e të burgosurve dhe masat e marra për kohën.

Për shembull, më 1920 një gardian burgu duket se bashkëpunon në arratisjen e tetë personave nga burgu i Tiranës, njëri prej të cilëve ishte i biri i vetë gardianit.

Kurse në fotografi kemi pamje të burgut të Tiranës mes viteve 1932-44?, shkruhet në faqen sociale të Drejtorisë së Përgjithshme të Arkivave, ku nuk mungojnë edhe shkresa apo fotot nga burgu i dikurshëm i Tiranës./CNA.al

 





Lajmet e fundit nga