web counter
LEXO PA REKLAMA!

SHKARKO APP

App Store
Google Play

E fundit!

x

“Maskat e Brukselit i hoqën në Tiranë”/ Rama nuk kursen batutat

10 Qershor 2021, 11:41, Politikë CNA

Kryeministri Edi Rama ka dalë në një konferencë për media, së bashku me Komisionerin për Zgjerimin, Oliver Varhelyi.

Por, ndërsa theksoi rëndësinë e Samitit, të zhvilluar sot në Tiranë, kreu i qeverisë, nuk kurseu as batutat, ndërsa tha se ?më vjen mirë që maskat e Brukselit i hoqën në Tiranë?.

?Ky Samit ka rëndësi të vecantë për dy arsye.

Së pari, sepse të gjithë së bashku jemi mbledhur për të shtyrë përpara një proces, që con përpara jetësimin e katër rajoneve në Europën tonë.

Së dyti, ky proces i mbështetur nga një paketë financiare, në kuadrin e një plani ekonomik dhe investimesh të BE, që për nga volumi i fondeve të vëna në dispozicion, të bashkëpunimit rajonal dhe të përmirësimit rrënjësor të infrastrukturës rrugore, hekurudhore, portuale të inter-konektivitetit dhe të gjithë sektorit të energjisë si dhe të digjitalizimit, përbën lëvizjen më të madhe historike të BE në drejtim të Ballkanit Perëndimor.

Ishte kënaqësi sepse më në fund takimi nuk ishte virtual, sepse ne kemi mundësi ti mirëpresim miqtë tanë pa masa shtrënguese dhe besoj se edhe komisioneri dhe delegacioni i BE, ndihet mirë që maskat e Brukselit i hoqi në Tiranë.

Gjërat janë konkrete, planet e punës janë konkrete dhe ky është një nga ato momente ku duhet ta pranojmë se KE deri këtu e ka bërë të veten plotësisht, tani na takon ne të bëjmë tonën.?-tha Rama./CNA.al





Lajmet e fundit nga