web counter
LEXO PA REKLAMA!

SHKARKO APP

App Store
Google Play

Shkarkimi i Presidentit/ Hyseni: Kishte qëllim politik për të dëmtuar mazhorancën

9 Qershor 2021, 21:17, Politikë CNA

Deputeti i Partisë Socialiste, Alket Hyseni ka folur për shkarkimin e Presidentit Ilir Meta nga Parlamenti. Sipas tij, Komisioni Hetimor ka faktuar me prova konkrete shkeljet që Meta ka bërë ndaj Kushtetutës së vendit. Hyseni u shpreh se shkelja e Kushtetutës nga ana e Presidentit është bërë në momentin që ai ka sulmuar PS gjatë fushatës zgjedhore të 25 prillit.

I ftuar në Opinion deputeti argumentoi se Presidenti nuk mund të bëhet palë me partitë politike dhe nuk mund të bëj thirrje për të nxitur dhunë.

?Nuk mund të themi ka apo s?ka krime, por nuk ishte objekt i hetimit i Komisionit Hetimor krimi. Aty ka dhe elementë që mund ti shqyrtojnë organet e hetimit siç janë thirrjet për dhunë dhe nxitja të urrejtjesh. Përsa i përket objektit të hetim që kishte të bënte me shkeljet e rënda të Kushtetutës, Komisioni Hetimor ka paraqitur një raport të shoqëruar me prova konkrete të cilat janë shkresore, postime pamje filmime etj. 

Komunikim me institucione të cilat faktojnë atë që opinioni publik e ka shumë të qartë që presidenti ka shkelur Kushtetutën. Presidenti për shkeljet e Kushtetutës është vetëm të dalë nga roli se çfarë do të bëjë tjetër. Presidentit të republikës i ndalohet të marrë pjesë në fushatën zgjedhore të mbajë krah politike apo të fyej apo denigrojë një parti politike. Kemi një vendim të ngjashëm, është vendimi i një prej vendeve më demokratike në botë që është republika e Koresë së Jugut, ku ka konstatuar se pjesëmarrja e Presidentit në fushatë është shkela e rëndë e Kushtetutës. 

Ne kemi hetuar dhe qëllimi i Presidenti ka qenë qëllim politik për të dëmtuar mazhorancën, kjo është faktuar nga Komisioni përmes konferencave të tij për shtyp dhe postimeve. Ka raste, Lituani ka shkarkuar Presidentin e vendit të vet. Në gjykimin tim Gjykata Kushtetuese nuk ka një afat konkretë sepse përsa i kërkon shqyrtimin për procedurën për Presidentit dhe brenda tre muajve duhet shqyrtojë kërkesën?,tha Hyseni./ CNA.al





Lajmet e fundit nga