web counter
LEXO PA REKLAMA!

SHKARKO APP

App Store
Google Play

E fundit!

x

Sondazhi/ Shqiptarët mendojnë se papunësia është çështja më e rëndësishme për vendin

9 Qershor 2021, 19:21, Politikë CNA

Papunësia është problemi kryesor që shqetëson shqiptarët, tregon sondazhi i kompanisë prestigjioze MRB, bërë për Euronews Albania.

Mes 1 mijë intervistave janë 51.4% që gjykojnë se papunësia është një nga tre çështjet më të rëndësishme me të cilat përballet vendi aktualisht.

Çështja e dytë më shqetësuese për shqiptarët është korrupsioni (46%) ndërsa e treta mbetet ekonomia (43.8%).

Përveç papunësisë, korrupsionit dhe ekonomisë, shqiptarët shohin si çështje shqetësuese koston e jetës, emigracionin dhe shëndetësinë.

Shqetësimet kryesore:

Papunësia 51.4%

Korrupsioni 46%

Ekonomia 43.8%

Në krahasimin e bërë mes dy sondazheve, njërit që u organizua para zgjedhjeve parlamentare (më 19 prill) dhe tjetrit pas zgjedhjeve (periudha 25 maj deri më 2 qershor), papunësia mbetet në krye.

Por, ndërsa para zgjedhjeve ekonomia ishte çështje e dytë pas zgjedhjeve këtë vend e zë korrupsioni.

Ndërkohë, COVID-19 që konsiderohej para zgjedhjeve si çështje e katërt me të cilën po përballej vendi pas zgjedhjeve është zëvendësuar me koston e jetës.

Një nga çështjet që të pyeturit kanë përcaktuar si më pak të rëndësishme janë niveli i krimit, që në të dy sondazhet del e fundit./euronews





Lajmet e fundit nga