web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Metës/ Arian Çani: Vendimin e ka Gjykata Kushtetuese, ajo varet nga amerikanët

9 Qershor 2021, 14:26, Politikë CNA

Për gazetarin Arian Çani, shkarkimi i presidentit Ilir Meta nga Kuvendi nuk ishte aspak surprizë, duke shtuar se ishte fundi i një fillimi të paralajmëruar.

Në një intervistë për MCN, Çani deklaroi se pas procesit të votimit pro në parlament tashmë shkarkimi i Metës varet nga Gjykata Kushtetuese, e cila sipas tij varet nga amerikanët.

Çani gjithashtu u shpreh se Amerika ka vendosur t’i çojë gjërat deri në fund.

?Komenti im i parë është se është një gjë që prirej, nuk ishte surprizë. Ishte fillimi i një fundi të paralajmëruar. Përballë sistemit që Rama ka ndërtuar fitohet vetëm me rrugë ekstrapolitike. Vetë Meta e ka ditur që ky do të ishte fundi i tij. Nuk dihet nëse karriera e tij do ngrihej.

Një gjë është e sigurt që kur u kthye Berisha pas 97-ës nuk është çudi që të kthehet Meta fuqishëm. Por tani e ka në dorë Kushtetuesja dhe nuk dimë kur do të jetë data e shkarkimit të tij. Por në një farë mënyre Rama i ka treguar dhëmbët kundërshtarëve dhe ky rezultat i sotëm është në njëfarë mënyre një fitore e vogël edhe për legjislaturën e vjetër.

Axhenda politike është qartë, sot ishte shkarkimi i Metës, tashmë vetëm Kushtetuesja mund ta shkarkoi. Se çfarë do bëjë Kushtetuesja kjo varet nga amerikanët. Tashmë loja është e hapur. Meta i ka kundërshtuar hapur ndërhyrjet amerikane?, tha Çani./CNA.al





Lajmet e fundit nga