web counter
LEXO PA REKLAMA!

SHKARKO APP

App Store
Google Play

“Turpërues dhe i panevojshëm"/ Arben Malaj atakon Kongresin e jashtëzakonshëm të PS

10 Qershor 2021, 08:21, Politikë CNA

Ish-ministri i Ekonomisë dhe Financave, Arben Malaj është shprehur kundër vendimit të PS për të mbajtur kongresin e jashtëzakonshëm në stadiumin ??Air Albania??.

?Kongres apo miting brohoritës pas zgjedhjeve që nuk e zgjidhën lakun e dështimeve të përsëritura në proçesin dhe perspektivën euro-atlantike.  Janë ftuar vetëm për të dëgjuar dhe duartrokitur me ovacione?  Kongres të jashtëzakonshëm në stadium??, shkruan Malaj në rrjete sociale.

Sipas tij, kjo është e pa nevojshme dhe turpëruese për socialistët e thjeshtë dhe të ndershëm.

Pasi, as Orban, as Erdo?an, por as Fidel Kastro apo Kim Jung, lideri i Koresë së Veriut, nuk kanë mbërritur deri këtu.

?Edhe partia komuniste e Kinës që përfaqëson 1.4 miliardë banorë nuk ka bërë deri sot kongres partie në stadiume. 

Si ka mundësi që Rilindja që “përfaqëson” një popullsi në tkurrje me më pak se 3 milion banorë, bën kongres të jashtëzakonshëm në stadium?!?, shkruan më tej Malaj.

Ai shprehet se ndjen keqardhje për situatën kritike ku ka arritur nënshtrimi i verbër i “përfaqësuesve” të popullit dhe të partisë ndaj disa rilindasve  parafabrikatë arrogantë, të babëzitur, të korruptuar dhe të kapur nga oligarkët.

?Këta oligarkë po keq-përdorin jo pak deputetë dhe qeveritarë si manekina që i lëvizin sipas interesave të tyre për përfitime abuzive dhe varfëruese për shqiptarët. 

Në këtë rast vlen më shumë se kurrë mësimi që presidenti Jefferson i jepte djalit të tij se në jetë ka edhe fitore turpëruese.

Kapja e shtetit e dëmton demokracinë dhe sigurinë si të shqiptarëve, të SHBA dhe BE më shumë se çdo formë tjetër e korrupsionit.

Kjo është sfidë shumë e vështirë por pa e fituar luftën kundër pandërshkueshmërisë paqja e qëndrueshme dhe siguria –  jo vetëm në Ballkanin Perëndimor do të jenë risk?, përfundon reagimin Malaj./CNA.al





Lajmet e fundit nga