web counter
LEXO PA REKLAMA!

SHKARKO APP

App Store
Google Play

“Votoni ndryshimin”/ Agron Shehaj apel demokratëve: PD duhet të luftojë korrupsionin

10 Qershor 2021, 09:50, Politikë CNA

Kandidati për kryetar të Partisë Demokratike, Agron Shehaj i ka drejtuar sërish sot një mesazh demokratëve, ndërsa kërkon ti besohet drejtimi i partisë.

Në një postim në rrjetet sociale, Shehaj shkruan se PD duhet të jetë e fortë të marrë pushtetin dhe të luftojë sistemin e korruptuar.

Gjithashtu Shehaj shkruan se udhëheqja e sotme bën gjoja sikur lufton politikanër e korruptuar dhe oligarkët që vjedhin Shqipërinë.

?Demokratët duan që PD të jetë e fortë dhe të marrë pushtetin për të ndryshuar sistemin e korruptuar që po shkatërron Shqipërinë. PD nuk do të vijë dot në pushtet nëse nuk ka një plan për shkatërrimin e sistemit të korruptuar, ndëshkimin e politikanëve të korruptuar dhe të oligarkëve që vjedhin Shqipërinë. Udhëheqja e sotme e PD-së bën gjoja sikur do të luftojë korrupsionin dhe oligarkët. Me mua Partia Demokratike do jetë partia që do mobilizojë shqiptarët kundër korrupsionit dhe kundër oligarkëve që jetojnë me pasuritë dhe paratë publike.

Prandaj demokratët duhet të votojnë ndryshimin më 13 qershor, që PD të kthehet tek fitorja dhe tek reformat për të ndryshuar Shqipërinë.?-shkruan Shehaj./CNA.al





Lajmet e fundit nga