web counter
LEXO PA REKLAMA!

SHKARKO APP

App Store
Google Play

LSI braktis betejën/ Nuk paraqitet në Kolegjin Zgjedhor për ankimimet

10 Qershor 2021, 09:43, Politikë CNA

Kolegji Zgjedhor është mbledhur sot për të shqyrtuar ankimimin e PD-së dhe LSI-së, ndaj vendimit të Komisionit të Ankesave për rezultatin e zgjedhjeve të 25 prillit në Shkodër.

Por, ajo që vihet re në këtë seancë, është mungesa e përfaqësuesit të LSI.

LSI ka kërkuar shtyrjen e seancës, por Kolegji hodhi poshtë këtë kërkesë, duke argumentuar se ?Kërkesa është e pabazuar në prova dhe në ligj, me arsyetimin se shkaku i parashtruar nuk justifikon shtyrjen e seancës së sotme gjyqësore.

Pala kishte dijeni për datën dhe orën, dhe kishte të gjitha mundësitë për të caktuar një përfaqësues për të marrë pjesë në këtë gjykim?.

PD e ankimoi vendimin e KAS, për mos shpalljen e pavlefshmërisë së zgjedhjeve në qarkun e Shkodrës, javën e kaluar.

Kujtojmë këtu se Kolegji zgjedhor ka hedhur poshtë ankimimin e PD-se dhe LSI për vendimet e KAS-it, për qarkun e Gjirokastrës dhe Vlorës.

PD kërkoi shpalljen e pavlefshmërisë në 9 qarqe, por asnjë prej kërkesave të saj nuk u pranua nga KAS./CNA.al





Lajmet e fundit nga