web counter
LEXO PA REKLAMA!

SHKARKO APP

App Store
Google Play

Ish-ministri i Ramës këshillon Bashën/ Ja çfarë duhet të bëjë në 14 qershor

10 Qershor 2021, 09:13, Politikë CNA

Ish-ministri i Drejtësisë në qeverinë ?Rama 1?, Ylli Manjani i ka drejtuar sot një mesazh kreut të PD-së, Lulzim Basha, ndërsa thekson se Shqipëria ka nevojë për opozitë.

Në një postim në rrjetet sociale, Manjani shkruan se nuk ka vend për koalicione të mëdha, por është koha e kontributeve të mëdha.

Po ashtu, Manjani këshillon Lulzim Bashën, për atë çfarë ai duhet të bëjë në 14 qershor.

?Pa dyshim nuk ka vend për koalicione të mëdha, por është koha e kontributeve të mëdha.

Shqipëria ka nevojë për opozitë politike jo për bashkqeverisje.

Lulzim Basha nuk ka nevojë të bëjë foto me Edi Ramën, për të kontribuar për Shqipërinë.

Sugjerimi im për Bashën është:

1. Që me datë 14 qershor Ai duhet të fillojë një tur takimesh me Partitë Popullore në Europë për të lobbuar për marrjen e një date për çeljen e negociatave.

2. Të vendosë mandatet përfaqësuese në Parlament në funksion të:

a. Hartimit të sistemit të ri zgjedhor dhe të organizimit politik në vend.

b. Rikthimit sa më shpejt të legjitimitetit të pushtetit vendor nëpërmjet zgjedhjeve të reja.

Ky është kontributi themelor që duhet të japë opozita dhe Lulzim Basha. Në daltë ndonjë gjë më shumë aq më mirë, por këto detyra janë jetike dhe kërkojnë leadershipin e opozitës.

Për ta dhënë këtë kontribut, nuk ka nevojë as për lejen e as për dorën e Edi Ramës.?-shkruan Manjani./CNA.al





Lajmet e fundit nga