web counter
LEXO PA REKLAMA!

SHKARKO APP

App Store
Google Play

Shehaj akuza Bashës/ “Po kërkon nga maja e pushtetit të pengojë ringritjen e PD-së”

2 Qershor 2021, 18:04, Politikë CNA

Kandidati për kryetar të PD-së Agron Shehaj, ka publikuar një tjetër video nga takimet që ka zhvilluar me demokratët për zgjedhjet e 13 qershorit.

Shehaj ka ngritur akuzat se Lulzim Basha nuk po kërkon ringritjen e PD-së por sipas tij po e kundërshton atë nga maja e pushtetit të partisë.

Sipas tij, demokratët duan një udhëheqës që i del për zot aspiratës së tyre dhe që as nuk tërhiqet e as nuk ankohet para vështirësive, por lufton deri në fund për të fituar.

?Anëtarët e Partisë Demokratike dhe shqiptarët e thjeshtë janë ata që vuajnë humbjen, që e pësojnë nga pushteti i korruptuar dhe plaçkitës i Edi Ramës. Drejtuesve të lartë të Partisë Demokratike nuk u ndryshon asgjë në jetën e tyre edhe nëse humbasim. Prandaj, ringritjen e PD-së sot e kërkojnë demokratët e thjeshtë, por po e kundërshton maja e pushtetit të partisë.

Demokratët duan një udhëheqës që i del për zot aspiratës së tyre dhe që as nuk tërhiqet e as nuk ankohet para vështirësive, por lufton deri në fund për të fituar. Dhe që, nëse nuk fiton, merr përgjegjësinë dhe hiqet mënjanë për t?ja lënë vendin dikujt më të zoti. Unë jam i gatshëm ta marrë përsipër këtë detyrim me gjithë përgjegjesinë që ai sjell?, shkruan ai në rrjetet sociale krahas videos./ CNA.al





Lajmet e fundit nga