E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Plas në Komisionin e Ligjeve/ Deputeti socialist “ultimatum” kryetares së KLGJ

2 Qershor 2021, 10:10, Politikë CNA

Kryetarja e Këshillit të Lartë Gjyqësor, Nureda Llagami po raporton sot në Komisionin Parlamentar të Ligjeve, në lidhje me problemet në të cilat has sistemi gjyqësor.

Por, gjatë raportimit, deputeti socialist, Ulsi Manja i është drejtuar me tone të forta, Nureda Llagamit, ndërsa i kërkoi ti dalë për Zot drejtësisë, dhe të mos lejojë të kthehemi në pikën që ishim para Reformës në Drejtësi.

Manja, kërkoi që të bëhet një punë më e madhe me verifikimin e pasurisë së personave që ndjekin shkollën e magjistraturës.

Sipas Manjës, Reforma në Drejtësi është një nga reformat më të rëndësishme të këtyre 30 viteve të fundit, e si e tillë, duhet investuar në çdo sektor.

?Ju keni menaxhuar një sistem drejtësie, i cili po rithemelohet nga e para. Duhet ditur çfarë shqetësimesh ka sistemi, edhe përpjekjet tuaja për ta menaxhuar mirë sistemin, për të mos shkuar në kolaps. Qytetarët nuk i dinë. Sepse ndoshta keni zgjedhur për të punuar në heshtje. Ju keni përgjegjësinë si drejtuese e një organi të rëndësishëm t?ia bëni të qartë publikut, drejtësia dhe Reforma në Drejtësi kanë anën e vet, qeveria është vetëm mbështetëse, në aspektin financiar, buxhetimit. Kjo s?do të thotë që ju si KLGJ nuk i afroheni llogaridhënies, sepse ju e bëni atë, por nuk ka kontroll në veprimet e tuaja. Atje ku më në fund, keni marrë një godinë dinjitoze, së bashku me shkollën e magjistraturës por bëhuni konkret, thuajeni problemet tuaja. Është reformë e tretë, kryereforma jonë.

Ka probleme, padiskutim, për shkak të procesit të VETTING-ut, por kjo s?do të thotë që s?ka rrugëzgjidhje. Qytetarët marrin shumë shërbime, te drejtësia marrin një shërbimet ë veçantë. Qytetari merr shërbime dhe në dogana, shërbime, bashki, gjithkund, por aksesi në drejtësi lidhet me shërbimet që i ofrohen qytetarëve. Shqipëria sot ka ndryshuar, tërësisht. Ka një infrastrukturë tjetër urbane, edhe në drejtim të kushteve të punës që ofrohen në drejtësi. Në ndihmë na vjen roli juaj, që ta bindni ekzekutivin. Kjo e rrit cilësinë e shërbimit.

Nuk e kuptoj pse kufizohet aksesi në drejtësi, zvogëlimi i gjykatave. VETTING-u është i përkohshëm, ju duhet ta mbani në shina sistemin për t?u mos u kthyer në pikën ku ishim. Më pas, nuk dua të hy te merita e zgjidhjes së çështjeve, sepse kjo i përket gjykatave dhe në këtë pjesë gjyqtarët janë të pavarur. Ne e kemi dhënë mbështetjen tonë, do të vijojmë ta japim, jo vetëm në aspektin ligjor, por edhe buxhetor.

Duam ta bëjmë sistemin efikas dhe efiçent, ça na takon, ne e kemi bërë. Ne do t?ua hapim rrugët. Këtu duhet bashkëpunim me vullnetin e mirë dhe ta çojmë deri në fund sistemin e drejtësisë dhe qytetarët të marrin drejtësinë që presin. Duhet t?i bëjmë një skaner KLGJ. Shkollën e magjistraturës duhet ta bëjmë të pastër. Ngrijeni zërin dhe dilni për zot drejtësisë.?-tha Ulsi Manja.