web counter
LEXO PA REKLAMA!

SHKARKO APP

App Store
Google Play

Gara për kreun e PD/ Kadilli: Kryetari do ketë vetëm një shans të kandidojë, po nuk fitoi të ikë në shtëpi

1 Qershor 2021, 19:55, Politikë CNA

Kandidati për kreun e PD Fatbardh Kadilli ka vijuar takimet me demokratët ditën e sotme në qytetin e Sarandës. Kadilli u shpreh se nuk duhet lejuar që kryetari i partisë të kandidojë më shumë se njëherë për kryeministër.

Ai deklaroi se vendimet duhen marrë nga drejtuesit e qarqeve dhe jo nga kryetari në Tiranë, që nuk i njeh nga afër problematikat dhe individët.

?Ta ndajmë rolin e kryetarit të partisë në Tiranë nga administratori. Administrim t?i kalojmë dikut tjetër, njerëzve që nuk janë në politikë. Kush do të krijojë seksionin e vet të caktojë datën e zgjedhjeve dhe të dërgojë një ekip të mbajë shënim kush u zgjodh dhe kush nuk u zgjodh. Kryetari i partisë ka vetëm një shans të kandidojë për kryeministër.

Po fitojë të fitojë po nuk fitoi të ikë në shtëpi. Ndryshe nuk i duhet askujt. Unë e njoh shumë mirë Vlorën por nuk e njoh Gjirokastrën apo Kukësin. Si t?i marr vendimet? Do vijë dikush të më flasë në vesh. Dikush më duket më i bukur, dikush më i shëmtuar. Po ta zgjidhni vetë kandidatin për deputet dhe bashki energjia e reflektohet. Kjo e bën që partia të jetë më e madhe se kryetari. Do bëhen zgjedhjet në parti. Të zgjidhet këtu kryetari. Sa e ka fuqinë, ta masë me vota?, tha Kadilli./ CNA.al





Lajmet e fundit nga