web counter
LEXO PA REKLAMA!

SHKARKO APP

App Store
Google Play

Shkëlqim Hajdari: SPAK ka në objektiv Berishën, Metën dhe Ramën

1 Qershor 2021, 17:30, Politikë CNA

Ish-Prokurori i Apelit të Tiranës, Shkëlqim Hajdari, ka bërë një paralajmërim, teksa ka qenë duke folur për autoritetet e drejtësisë.

Hajdari tha se në objektivin e SPAK janë edhe ish-kryeministri Sali Berisha, kryeministri Edi Rama dhe presidenti Ilir Meta.

Ai deklaroi në emisionin “Top Talk” se SPAK do hetojë pa dallim zyrtarët e majtë apo të djathtë, ndërsa theksoi se janë tërhequr rrjetat për peshqit e mëdhenj.

?Kur prokurori ka prova nuk pyet se kë ka emër para. Kur ka prova nuk pyet se kush është emri që ka nën akuzë me kusht që atij të mos i cënohet jeta, vendi i punës dhe të ishte pjesë e karrierës së tij suksesi që arrinte. Sot këto tre gjëra prokurorët e posaçëm dhe gjyqtarët kundër krimit të organizuar dhe korrupsionit i kanë të garantuara. Për zyrtarë qeveritarë janë në hetim, si është një dosje nuk është një tjetër. Një merr më shumë kohë, një ka më pakë prova.

Shenjat e SPAK janë pozitive, mbështetja ndërkombëtare do të jetë absolute. Nëse një njeri ka të siguruar jetën, karrierën dhe të mirat materiale do punojnë. SPAK do hetojë pa dallim duke parë zyrtarë majtas apo djathtas. Politika deri tani tregoi demokracia ka një gjë që të keqen nuk e riciklon kurrë.

Sistemi që kemi ndërtuar do japë rezultate të shkëlqyera. Rrjetat janë tërheq për peshqit e mëdhenj dhe kur të tërhiqet do të dalin edhe të mëdhenj edhe të vegjël. Marinarët kanë kaluar të gjithë teste për të qenë marinarë të zotë?, u shpreh ish-prokurori./ CNA.al





Lajmet e fundit nga