web counter
LEXO PA REKLAMA!

SHKARKO APP

App Store
Google Play

E fundit!

x

Çfarë po ndodh në PD/ Indrit Hoxha zbulon superskandalin

1 Qershor 2021, 10:56, Politikë CNA

Anëtari i Këshillit Kombëtar të Partisë Demokratike, Indrit Hoxha ka deklaruar sot se Gjykata brenda partisë, nuk funksionon.

I ftuar në Report tv, Indrit Hoxha tha se Grupi për PD, i është drejtuar gjykatës së partisë, në lidhje me vendimin për rregulloren e brendshme mbi modalitetet për zgjedhjen e kreut të ri të selisë blu, por shtoi se gjykata nuk është funksionale.

?I jemi drejtuar gjyklatës së partisë. Por, Gjykata e partisë, është si Gjykata Kushtetuese, ka kryetar por nuk ka anëtar. Mungojnë 4 anëtarët, çka e bën jo funksionale dhe duke mos patur një gjykatë partia ne kemi menduar ta çojmë në Gjykatën e Tiranës. Po nga Gjykata e Tiranës na kanë thënë që statusi i fundit i PD është ai i 2005?-tha Indrit Hoxha.

Më tej, ai e cilësoi si superskandal këtë fakt, pasi sikurse e tha ai, statusi i PD është ndryshuar dy herë, një herë në 2014 dhe një herë në vitin 2018.

?Statusi i fundit është ai i vitit 2005. Kjo është një superskandal, tetë vite në opozitë që akuzon për mungesën e institucioneve të drejtësisë, për mungesën e gjykatave, dhe të shkatërrosh nga ana ligjore gjithë PD vetëm një njeri mund ta bëjë këtë. Dhe ky është vetëm Lulzim Basha, i cili thotë edhe se është një jurist perëndimor, por që sillet si një komunist brenda partisë. Nga ana ligjore gjithë procesi i PD është nul.

Statusi është ndryshuar edhe në 2014 dhe në 2018. Nëse i referohemi statusit të 2005 i pari që është jashtë ligjit është Basha.?-u shpreh Hoxha.

Gjithashtu ai tha se ?Ishte detyrim që Basha të japë dorëheqjen. Këto zgjedhje i humbi Basha, bëri fushatë one man show, nuk tregoi ekip.

Janë të gjitha përgjegjësi që duhej ti mbante Basha në aspektin moral, politik por edhe statuto. Zgjedhjet duhej te ishin në 22 korrik, ky e solli në 13 qershor?./CNA.al





Lajmet e fundit nga