E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Masakra zgjedhore” që po përgatit Lulzim Basha/ Demokratët përballë provës

1 Qershor 2021, 07:43, Politikë CNA

Partia Demokratike në datën 13 qershor, pritet të zhvillojë zgjedhjet për kryetarin e ri, ku në garë janë katër kandidatë, Edith Harxhi, Fartbardh Kadilli, Agron Shehaj, dhe vetë kreu aktual i PD-së, Lulzim Basha.

Zgjedhjet zhvillohen pas humbjes së radhës në 25 prill 2021. Lulzim Basha, edhe pse me humbje të njëpasnjëshme, pretendon sërish të zgjidhet në krye të PD-së.

Por, ajo që vihet re në këtë garë të brendshme të Partisë Demokratike, është se Lulzim Basha po bën pikërisht atë për të cilën akuzon kryeministrin Edi Rama, një ?masakër elektorale?. Gara për kreun e ri të Partisë Demokratike zhvillohet në kushte tërësisht të pabarabarta.

Së pari Lulzim Basha këtë radhë nuk luajti as lojën ngriva-shkriva, sikurse bëri në 2017, por garon për t?u rizgjedhur, ndërkohë që është kryetar i PD-së.

Lulzim Basha ka vënë në shërbim të tij të gjithë administratën e Partisë Demokrartike, ndërsa kandidatët e tjerë nuk kanë asgjë.

Lulzim Basha ka listat e anëtarësisë, të cilat ka refuzuar t?ua vërë në dispoziocion edhe kandidatëve të tjerë, me një pretendim absurd, duke thënë ?se listat e anëtarësisë nuk iu jepen palëve të treta?. (Lexo këtu)

Se kur të qënit anëtar i një partie qenka sekret i madh që nuk mund ta dinë kandidatët për kryetar të asaj force politike, këtë mund ta dijë vetëm Luli dhe Gaz Bardhi.

Për më tepër Lulzim Basha ka kryetarin e Komisionit Zgjedhor, Jemin Gjanën, i cili sikurse e ka treguar edhe më parë, është një ?gjeni? që i zgjidh hallet Lulzim Bashës. (Lexo këtu)

Dhe jo vetëm kryetari, por edhe anëtarët e Komisionit Zgjedhor, janë po ashtu njerëzit e tij.

Lulzim Basha ka të gjithë administratën, organizimin, kryetarët e degëve dhe paratë për fushatën, ndërsa kandidatëve të tjerë nuk ia ka vënë në shërbim asgjë.

Për më tepër, në faqen zyrtare të PD transmetohen çdo ditë takimet që Lulzim Basha kryen me demokratët në degët locale, ndërsa për kandidatët e tjerë nuk transmetohet asgjë.

Po ashtu ai ka edhe deputetët që i zgjodhi vetë dhe që humbën më atë në krye, të cilët bëjnë fushatë për Bashën hapur, e sabotojnë rivalët.

Deputetët e tij servile mbështesin hapur, Lulzim Bashën, që ky i fundit të vijojë të mbajë karrigen e kryetarit të PD.

Gjithçka flet qartë, kjo është garë totalisht e pabarabartë, ku demokratët janë përballë provës nëse do të vazhdojnë të qëndrojnë me një humbës serial, apo do të zgjedhin një tjetër alternativë./CNA.al

Basha “zhduk” anëtarët/ Rivalët nuk i marrin dot emrat

Gara për kreun e PD/ Basha ?zhduk? listat, anëtarësia zvogëlohet papritur me 28 mijë anëtarë

Basha fillon fushatën për kreun e PD/ Vë administratën në shërbim