web counter
LEXO PA REKLAMA!

SHKARKO APP

App Store
Google Play

E fundit!

x

Basha takon demokratët e Mirditës/ Justifikon dështimin në zgjedhjet e 25 prillit

31 Maj 2021, 18:55, Politikë CNA

Kryetari i Partisë Demokratike, Lulzim Basha, ka zhvilluar një takim me demokratët e Mirditës, në sajë të fushatës për zgjedhjet e 13 qershorit.

Basha ka kujtuar takimin elektoral në Mirditë për zgjedhjet e 25 prillit, ku ka akuzuar qeverinë për manipulim.

Kreu i opozitës pretendon se me zgjedhjet parlamentare u bë masakër, ndërsa akuzoi organet e KQZ-së dhe KAS-it për bashkëpunim me mazhorancën.

?Të dashur vëllezër dhe motra dita e sotme na rikthen këtu pak më shumë se një muaj pas një takimi entuziast që patëm pak metra më tej. Si shumë takime të tjera dhe si gjithë fushata jonë ai shenonte jo thjeshte entuziasmin dhe pritshmërinë e demokratëve, por të shumicës dërrmuese të shqiptarëve për ndryshimin më datë 25 prill. Shënonte po kështu një shpresë të lindur jo rastësisht, as të rënë nga qielli por që erdhi me të vërtetë si bekim dhe mbushi zemrat e shqiptarëve dhe mirditorëve për shkak të punës vetëmohuese dhe sakrificës tuaj dhe të Partisë Demokratike për shkak të shpirtit të pamposhtur të demokratëve te Mirëditës, Lezhës dhe mbarë Shqipërisë për të cilën duhet të jeni krenarë dhe kokëlartë në çdo moment, në veçanti në momente të tilla të vështira si këto që po kalojmë këto javë.

Për këtë arsye fjalën time dua ta nis duke shprehur mirënjohjen më të thellë nga zemra ju dhe gjithë ekipit tuaj dhe gjithë demokratëve të Mirëditës kudo ku ndodhen per rolin e tyre të patjetërsueshëm dhe për rezultatin në Mirditë dhe në qarkun e Lezhës përkundër masakrës zgjedhore të 25 prillit. Masakra zgjedhore e 25 prillit natyrisht nuk ngjau me 25 prillin. Ajo ishte një seri ngjarjes e shtrirë në kohë që nga shkatërrimi i marrëveshjes së 5 qershorit e deri tek vendimet e fundit për prishen e fletës së votimit, shkurtimin e listës, karantinën e pajustifikueshme dhe që vazhdon në këto momente që flasim me organet e kapura të KQZ në KAS edhe në kolegjin e kapur e të frustruar nga qeveria. Padiskutim që në këtë garë siç kemi folur shpesh herë së bashku, ne u futëm pa iluzione që do të ishte një garë e barabartë. Ne u futëm në procesin e reformë zgjedhore pa asnjë iluzion që do të ishte kjo reformë që do të sillte përmirësimet me sjelljen e Edi Ramës dhe bandës së tij.

Në fakt siç e kemi thënë dhe siç e kam thënë përherë drejtëpërdrejtë me ju dhe permes medias, roli ynë në atë tavolinë ishte vetem për të bërë pjesën sa i përket 15 kushteve të integrimit Europian. Pra asgjë e shkruar, asgje me shkrim me Edi Ramën nuk mund të sillte një garë të barabartë. Megjithatë ne u përgatitëm dhe ja dolëm të vetëdijshëm për garën e pabarabartë me ofertën tonë përballë kriminelëve dhe bandave kriminale në Lezhë, në qarkun e Lezhës, në Mirditë, në Shqipëri?, deklaroi Basha./ CNA.al





Lajmet e fundit nga