web counter
LEXO PA REKLAMA!

SHKARKO APP

App Store
Google Play

Harxhi i kërkon falje demokratëve të Kukësit/ “Nuk e shmangëm dot eleminimin e Elezit nga gara”

31 Maj 2021, 18:23, Politikë CNA

Kandidatja për kryetare të PD-së, Edith Harxhi, ka kërkuar ndjesë për gabimet e Lulzim Bashës në drejtimin e PD-së.

Harxhi tha gjatë një takimi me demokratët e Kukësit se ata duhet ta falin që nuk mundën ta ndalojnë eleminimin nga gara të Ibsen Elezit, si dhe për djegien e mandateve.

?Kërkim falje që nuk e shpëtuam PD-në sidomos në eleminimin nga gara të Ibsenit. 25 bashki do i kishim, por ne u larguam nga institucionet dhe kjo na ka dëmtuar shumë. Edi Rama thyhet me institucione, votë dhe frymëzim?, u shpreh ajo.

Kandidatja për kryetare deklaroi se në gjendjen që është PD sot, mund mos ta marrë veten për një kohë të gjatë.

Teksa u ndal te qëllimi për të rrëzuar kryeministrin Edi Rama nga pushteti, Harxhi theksoi se duhet kthyer besimi tek elektorati gri.

“Ne nuk u treguam institucionalë, u larguam nga ato dhe kjo është fatkeqësia dhe sot mendojmë si të thyejmë Edi Ramën. Ai thyhet me institucion, me votë dhe me frymëzimin e të gjithë shqiptarëve. Duhet të kthejmë besimin tek elektorati gri që sot është 20% që do të thotë një parti politike”, nënvizoi ajo./ CNA.al





Lajmet e fundit nga