web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet për kreun e PD/ Basha shënon “autogol”

31 Maj 2021, 12:32, Politikë CNA

Në datën 13 qershor, Partia Demokratike pritet të zhvillojë zgjedhjet për kryetarin e ri, ku në garë janë katër kandidatë, mes të cilëve edhe vetë kreu aktual, Lulzim Basha.

Partia Demokratike shkon në zgjedhje, pas humbjes së zgjedhjeve parlamentare të 25 prillit, të cilat I dhanë kryeministrit Edi Rama mandatin e tretë.

Por, vendimi i PD për të shkuar në zgjedhje në 13 qershor, është cilësuar si i nxituar jo vetëm nga kritikët e Bashës, por edhe nga vetë lideri historik i demokratëve, Sali Berisha.

Në një dalje mediatike, Sali Berisha është shprehur se është habitur me datën 13 qershor, pasi sipas tij në këtë moment PD kishte të tjera detyra.

Por, sot edhe vetë Lulzim Basha, i cili duket të jetë ideatori dhe organizatori i farsës së 13 qershorit ka shënuar një ?autogol?.

Gjatë fjalës së tij në një takim me demokratët e Lezhës, Basha ndërsa u ndal tek zgjedhjet brenda partisë, vetë deklaroi se gara po bëhet ndërkohë që PD vërtetë ka detyra të tjera, që sipas tij është vërtetim i asaj që ai e quan ?masakra elektorale? e 25 prillit.

?Një garë e cila ka nisur si rezultat i vendimeve statutore të Kryesisë dhe Këshillit Kombëtar. Një garë e cila është vendosur në një moment kur po zhvillohet një betejë tjetër, që i paraprin një tjetër beteje që na pret. Beteja e faktimit tashmë insituticional përkundër vullnetit të mbrapshtë të KQZ-së së kapur dhe diktuar politikisht dhe të urdhëruar për të mos bërë transparencë, përkundër asaj që mund të ndodhë me Kolegjin Zgjedhor, por një betejë e pashmangshme për arsye që anëtarët e Këshillit Kombëtar këtu mes nesh sot mund t?i dëshmojnë fare mirë. Pavarësisht se ishim për process numërimi, debati i brendshëm nisi menjëherë dhe vendimi i Kryesisë dhe i Këshillit Kombëtar ishte unanim. Le mos ta lëmë këtë debat për një vlerë të jashtëzakonshme të partisë tonë që është zgjedhja me një anëtar një votë e kryetarit të partisë.?-tha Basha.

Por, nëse tani detyra e PD, sipas vetë Bashës është faktimi i asaj që ai e quan masakër zgjedhore, pse nxitoi të shpallë 13 qershorin si datën për garën për kryetar?

Pse Lulzim Basha nuk caktoi një tjetër datë, edhe kandidatëve iu jepte kohë për fushatë, edhe PD do ishte përqendruar në faktimin e ?masakrës zgjedhore? dhe jo të vihej gjithë administrata e partisë në shërbim të Lulzim Bashës që ky i fundit të vazhdojë të mbajë karrigen e kryetarit të PD?/ CNA.al





Lajmet e fundit nga