E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

U shpall non- grata nga SHBA/ The Washington Times: Berisha sfidon administratën e Biden

31 Maj 2021, 09:48, Politikë CNA

Ish-Kryeministri shqiptar Sali Berisha këmbëngul se nuk ka prova se është i korruptuar, ashtu siç ka thënë Sekretari i Shtetit Antony Blinken, i cili njoftoi vendimin për shpalljen non grata nga SHBA.

Sipas Berishës, SHBA është “keqinformuar” nga njerëz të mbështetur nga filantropi miliarder dhe investitori George Soros.

Në një intervistë për The Washington Times, Berisha tha avokatët e tij po përgatisin një proces gjyqësor për shpifje kundër Z. Blinken në një gjykatë Evropiane.

Një njeri i qendrës së djathtë, i skenës politike post-komuniste të Shqipërisë, z. Berisha ka sfiduar hapur administratën e Biden për të treguar prova të pretendimeve kundër tij dhe pohoi se zyrtarët amerikanë do të bënin më mirë të përqeëdroheshin te rivalët e tij politikë, përfshirë kryeministrin aktual shqiptar Edi Rama, i cili kryeson Partinë Socialiste, e cila është në pushtet .

“Jam thellësisht i bindur se kjo deklaratë kundër meje është bazuar tërësisht në keqinformim që Z. Sekretari i Shtetit Antony Blinken ka marrë nga një proces i korruptuar lobi që përfshin Edi Ramën dhe George Soros, të cilët janë miq të ngushtë”, tha z. Berisha.

?Ata nuk kanë prova. Nëse ata do të gjejnë vetëm një provë, unë do të jem shumë mirënjohës. Por, ata nuk kanë asnjë provë konkrete të bazuar në fakte?, është shprehur Berisha.

Berisha, i cili ka deklaruar pafajësinë e tij në një letër drejtuar Z. Blinken, foli për The Times afërsisht një javë, pasi sekretari i Shtetit deklaroi politikanin shqiptar 76-vjeçar, një nga Presidentët e parë post-komunist të të Shqipërisë.

Me 19 maj, Z. Blinken njoftoi se z. Berisha, gruaja e tij dhe dy fëmijët e tyre janë ndaluar të hyjnë në SH.B.A. për shkak të “përfshirjes së z. Berisha në korrupsion”.

Sipas deklaratës së Blinken, gjatë kohës që zoti Berisha ishte kryeministër, ai ishte “përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përdorur pushtetin etij për përfitime dhe për të pasuruar aleatët e tij politikë dhe familjen e tij.

“Për më tepër, retorika e tij tregon se ai është i gatshëm të mbrojë veten, anëtarët e familjes së tij dhe aleatët e tij politikë në kurriz të hetimeve të pavarura, përpjekjeve antikorrupsion dhe masave të përgjegjësisë,” tha Sekretari i Shtetit./ CNA.al