web counter
LEXO PA REKLAMA!

SHKARKO APP

App Store
Google Play

Harxhi bën denoncimin e fortë/ “Serveri i listave të votuesve të PD është bllokuar nga Basha”

30 Maj 2021, 17:41, Politikë CNA

Kandidatja për kryetare të PD Edith Harxhi po zhvillon një takim në Gjirokastër, ku shoqërohet nga ish Presidenti Bujar Nishani.

Gjatë fjalës së saj ajo ka denoncuar se ka një javë që serveri i listave të votuesve të PD për zgjedhjet e 13 qershorit është i bllokuar dhe asnjë nga degët nuk mund ta marrë.

Harxhi nënvizoi  se lista smund ti përkasë serverit qendror të partisë por degëve pasi ajo nuk është pronë e kryesisë apo kryetarit të PD.

“Grupi për PD, Kulluri, Nishani,por dhe shumë të tjerë, Imami, Elezi më kërkuan që unë të kandidoja për këtë garë. Pse? Një nga arsyet është sepse do të ishte një ndryshim për herë të parë kandidon një grua, por unë nuk htj në këtë garë vetëm sepse jam grua, sepse kjo është një garë e meritokracisë.

 PD është në dorë të një kupole të vogël, të cilët e kanë marrë peng prej disa kohësh dhe ne duhet ta shpëtojmë. Nëse se shpëtojmë tani do të përfundojë si LDK e kosovës. Ne smund ta lejojmë këtë gjë, veprimtaria juaj smund të shkojë kot. 

Ka një javë që serveri i listave të votuesve të PD për zgjedhjet e 13 qershorit është i bllokuar dhe asnjë nga degët nuk mund të zbresë dhe të marrë listën.

Lista smund ti përkasë serverit qendror të partisë por degëve sepse ju punoni me ato degë. Lista nuk është pronë e kryesisë apo kryetarit të PD. Unë jam futur në këtë garë të pabarabartë sepse siç kam thënë më parë sfidoj ata që pas 4 humbjesh vazhdojnë të mbajnë peng pronën”, tha Harxhi./CNA.al





Lajmet e fundit nga