web counter
LEXO PA REKLAMA!

SHKARKO APP

App Store
Google Play

E fundit!

x

“Jetike, rikthimi i PD tek vlerat dhe parimet”/ Thirrja e fortë e Edith Harxhit

30 Maj 2021, 12:48, Politikë CNA

Kandidatja për kryetare të PD, Edith Harxhi ka apeluar se është jetike rikthimi i Partisë Demokratike tek parimet dhe vlerat.

Sipas saj vetëm me një parti të tillë, mund të ringjallen shpresat dhe besimi tek të gjithë shqiptarët.

?Shqipëria dhe gjithë kombi shqiptar, tani kanë nevojë jetike për rikthimin e Partisë Demokratike tek parimet dhe vlerat, mbi të cilat u mbështet programi i saj politik i dhjetorit të vitit 1990.

Vetëm me një parti Demokratike të tillë mund të ringjallen shpresat dhe besimi tek të gjithë shqiptarët për t?u përballur dhe për të rrëzuar përsëri këtë diktaturë të re, por gjithaq të dëmshme e të rrezikshme, sa ajo e mëparshmja?, ka shkruar Harxhi në rrjetet sociale.

Më tej Harxhi është ndalur tek programi, me të cilin ajo merr pjesë në garën për të udhëhequr PD.

Ajo thekson, se programi i saj mbështetet mbi të njëjtat vlera dhe parime, si edhe ai i paraqitur nga Partia Demokratike ditën e themelimit të saj, në 12 dhjetor 1990.

?Programi im politik, me të cilin unë do garoj për t?u zgjedhur Kryetare e Partisë Demokratike të Shqipërisë, mbështetet pikërisht mbi të njëjtat vlera dhe parime, si edhe ai i paraqitur nga Partia Demokratike ditën e themelimit të saj, në 12 dhjetor 1990.

 Për ta bërë Shqipërinë si e gjithë Europa! Dhe këtë mund t?a bëjmë të gjithë bashkë, me përkushtim qytetar dhe patriotik.

Ashtu si shpresonim dhe kërkonim dhe në vitin 1990, kur u themelua Partia Demokratike e Shqipërisë?, ka shkruar më tej Harxhi.

Deklarata e Edith Harxhit

Të nderuar anëtarë dhe mbështetës të Partisë Demokratike;

Të dashur miq!

Në datë 25 maj 2021 shpalla publikisht kandidaturën time për Kryetare të Partisë Demokratike të Shqipërisë. Jam e vetëdishme për përgjegjësinë e madhe të këtij vendimit.

Por jam, gjithashtu, e vetëdijshme se nuk mund t?i shmangesha një detyrimi të tillë, ndërkohë që Shqipëria ndodhet përsëri nën një regjim diktatorial.

Si në vitin 1990, Atëhere kur me vetëdije ju bashkova lëvizjes studentore dhe Partisë Demokratike të sapokrijuar.

Edhe tani, si atëhere, Shqipëria ka nevojë jetike për Partinë Demokratike.

Por për atë Parti Demokratike, e cila ngjalli shpresat dhe besimin tek të gjithë shqiptarët.

Për atë Parti Demokratike, e cila u vu në ballë të protestave popullore dhe mundësoi, më në fund, rrëzimin e diktaturës komuniste!

Shqipëria dhe gjithë kombi shqiptar, tani kanë nevojë jetike për rikthimin e Partisë Demokratike tek parimet dhe vlerat, mbi të cilat u mbështet programi i saj politik i dhjetorit të vitit 1990.

Vetëm me një parti Demokratike të tillë mund të ringjallen shpresat dhe besimi tek të gjithë shqiptarët për t?u përballur dhe për të rrëzuar përsëri këtë diktaturë të re, por gjithaq të dëmshme e të rrezikshme, sa ajo e mëparshmja.

Edhe sepse kjo diktaturë e re drejtohet nga pasardhësit biologjikë dhe shpritërorë të atyre që dhunuan shqiptarët për 46 vjet, kur drejtonin diktaturën mizore komuniste në Shqipëri.

Të nderuar anëtarë dhe mbështetës të Partisë Demokratike;

Të dashur miq!

Programi im politik, me të cilin unë do garoj për t?u zgjedhur Kryetare e Partisë Demokratike të Shqipërsië, mbështetet pikërisht mbi të njëjtat vlera dhe parime, si edhe ai i paraqitur nga Parita Demokratike ditën e themelimit të saj, në 12 dhjetor 1990.

Për t?a bërë Shqipërinë si e gjithë Europa! Dhe këtë mund t?a bëjmë të gjithë bashkë, me përkushtim qytetar dhe patriotik.

Ashtu si shpresonim dhe kërkonim dhe në vitin 1990, kur u themelua Partia Demokratike e Shqipërisë.

Ju lutem gjeni bashkëlidhur programin tim politik, me të cilin garoj për Kryetare të Partisë Demokratike.

Më vlerësoni dhe më nderoni me besimit tuaj. Ju falenderoj përzemërsisht dhe ju betohem se nuk do t?ju zhgënjej! Të gjithë bashkë për t?a bërë Shqipërinë si gjithë Europa! Zoti e ndihmoftë Shqipërinë!

Me respekt dhe mirënjohje,

Edit Harxhi/CNA.al





Lajmet e fundit nga