E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Kolegji i përgjigjet me vendim PD-së / Keni ngatërruar sistemin zgjedhor

1 Qershor 2021, 12:59, Politikë CNA

Sot pas Gjirokastrës, Kolegji Zgjedhor shpalli edhe vendimin për Vlorën.

Me sa duket në 7 ditët që vijnë Kolegji do mblidhet të shpenzojë çdo ditë nga 30 minuta kohë për “ankimimet” e opozitës.

Pasi u shfaqën të paaftë, që të demonstronin ndonjë provë në KAS, demokratët e përfaqësuar nga Marash Logu (si mos më keq), po bëhen qesharakë edhe në Kolegjin Zgjedhor.

Në KAS Marashi i Lulit, lexoi për 3 javë rresht të njëjtin material identic, megjithëse për hesap të vet po fliste për qarqe të ndryshme.

Në fund lexonte gjithmonë të njëjtën dispozitë të Kodit Zgjedhor që thotë që KQZ për nevoja të hetimit administrativ, mund ti kërkojë organeve të administratës publike, prova SHTESË.

Dispozita që lexon Marashi i Lulit flet për “prova shtesë”, pra kur Marashi ka prova, KQZ investohet për shtesa. Por Marashi nuk nxori asnjë provë. Cdo fjali e Marashit në emër të Lulit, fliste për “dyshime” dhe shifra që mund të zezultonin nëse vërtetoheshin dyshimet.

PD thjesht nuk depozitoi asnjë provë në KQZ. Mbase të mësuar që mbrojtjet ligjore të PD, historikisht janë formuluar nga Rusmajli, kur shikonin Rusmajlin në KAS, besonin se edhe kësaj radhe i takonte atij që të fomulonte letrat në emër të PD, të argumentonte juridikisht pretendimet dhe të siguronte provat!

Kohët ama kanë ndryshuar.

Sot PD ka katandisur në dorë të Marash Logut, i cili NUK KA DIPLOMË JURISTI.

Zotin Marash, të gjithë e kujtojnë vetëm si student të Juridikut, por askush nuk e njeh për të diplomuar si jurist.

Mbase kjo është pika e takimit dhe këtu ka lindur edhe besimi i Lulit tek Marashi!

Pasi KAS, me leksione të gjata disa ditore i shpjegoi PD-së së përfaqësuar nga Marashi i Lulit, që duhet të rifillonin detyrat nga e para dhe Marashi vazhdonte plotësonte përgjigjet gabim, arriti dita që çështjet të shkojnë në Kolegj.

Pasi PD ngeli në klasë në KAS, gjithkush do besonte që do studionte përpara provimit të Kolegjit!

Fatkeqësisht PD në Kolegj, vijoi me të njëjtat tekste “ankimimesh” dhe me të njëjtat pretendime. Sipas Marashit të Lulit, provat tani duhet të dilte ti mblidhte Kolegji. Me sa duket në PD vazhdojnë të besojnë që boll të thuash të njëjtin tekst 100 herë dhe dikush do lodhet me ty e do të të japë notë kaluese!

Luli është mjeshtër për përsëritjen e të njëjtit tekst 100-200 herë!

Kolegji nga ana e tij i ra shkurt. Kolegji konstatoi që “ankimimet” e PD nuk kishin lidhje me qarqet e caktuara në kokën e çdo dosje.

Sepse vetëm fleta e parë e ankimimeve ndyshon. Vetëm fleta e pare ka të shkruara qarqe të ndryshme.

Pjesa tjetër është material identitik për të 10 qarqet.

Ndaj Kolegji nuk po lodhet si KAS që ti bëjë leksione e ti shpjegojë më shumë Marashit.

Marashi nuk ka kuptuar që sistemi zgjedhor është ndërtuar me bazë qarkun.

Në Shqipëri nuk ka sistem proporcional kombëtar, por sistem rajonal. Ndaj kur shkruan për Gjirokastën, duhet të listosh provat e manipulimit tek qendrat e votimit të Gjirokastrës. Kur flet për Vlorën, duhet të listosh provat e Vlorës e kështu me radhë.

Por një gjë duhet thënë. Këtu Marashi nuk mund ta mbajë dot gjthë fajin për vete. Se ka ca gjëra që nuk ti siguron dot diploma. Imagjino kur nuk ke diplomë fare!/CNA.al