E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Janë vjedhur 400 milionë euro”/ Këlliçi sfidon Mirel Mërtirin: Eja përballu, ne jemi kundër çdo hajduti

1 Qershor 2021, 11:28, Politikë CNA

Përfaqësuesi i PD, Belind Këlliçi në një deklaratë për mediat, ka folur sot sërish për aferën korruptive të incenerartorit të Tiranës.

Ai deklaroi se Mirel Mërtiri, nuk është paraqitur sot në gjykatë, ndërkohë që është ai që ka bërë padi për shpifje, kundër Belind Këlliçit dhe Ina Zhupës, pas denoncimit të aferës së inceneratorit të Tiranës.

?Ne personalisht Mirel Mërtirin as nuk e njohim. E prisnim sot sërish në gjykatë për ta parë dhe për fytyrë kush është dhe nuk erdhi. Kjo nuk është çështje kundër Mirel Mërtirit apo individëve të caktuar. Kjo është një çështje për të cilën ne paditemi për shpifje pse kemi thënë të vërtetën dhe pse kemi dalë në krah të mbrojtjes së interesit të qytetarëve. Flitet për një aferë korruptive ku janë dhënë 23 milionë euro për një incenerator që nuk ekziston.?-tha Këlliçi.

Gjithashtu ai tha se janë vjedhur 400 milionë lekë, nga taksat e shqiptarëve.

?Mirel Mërtiri sot na kish kërkuar edhe psikolog. Nuk e di për çfarë? Për të vlerësuar dëmin, mbase vjedhjen që kanë bërë. Se ne kemi thënë që janë vjedhur 400 milionë euro por mbase janë 420 milionë euro, me këtë koncesion korruptiv që rëndon xhepat e taksapaguesve të kryeqytetit.

Çdo ditë në Tiranë qytetarët paguajnë 51 mijë euro në ditë që Tirana të pastrohet dhe kryeqyteti sot është më i pisët se kurrë. Sot Tirana është e pajetueshme; keni kulla, keni beton dhe nuk keni asnjë park, asnjë lulishte. Tiranës po i merret fryma. Sikur të mos mjaftonte vetëm betoni, tashmë është edhe afera korruptive e inceneratorit të Tiranës që rëndon më shumë mbi xhepat e qytetarëve dhe të rinjve që kanë vendosur të jetojnë në këtë vend dhe të rrinë në këtë vend.?-deklaroi Këlliçi.

Më tej, ai sfidoi publikisht Mirel Mërtirin, ndërsa i kërkoi të paraqitet në seancën e radhës, ndërsa shtoi se kjo cështje nuk është kundër tij, por kundër çdo hajduti që pasurohet në kurriz të taksapaguesve shqiptarë.

?E presim sërish në seancën e radhës në 22 korrik, Mirel Mërtiri të vijë ta njohim edhe për fytyrë kush është dhe për t?ia bërë të qartë që kjo çështje nuk është kundër tij, por është kundër çdo hajduti që fut duart në xhepat e taksapaguesve dhe që vjedh paratë publike, fondet publike.

Ne e kemi thënë dhe stërthënë që do t?i shkojmë kësaj afere publike deri në fund. Dhe për të gjetur në fakt që kush janë pronarët e vërtetë të tre inceneratorëve; të Tiranës, Elbasanit dhe Fierit. Për të parë të gjithë qytetarët shqiptarë dhe për të bërë transparencë se ku shkojnë paratë e tyre, paratë e buxhetit të shtetit.

E them edhe një herë që Shqipëria, për fatin e saj të mirë, gjeografikisht ndodhet në zemër të Europës por me standarde jemi në zemër të Afrikës, si standarde të Zimbabve të Mirel Mërtirit. Kështu që i bëjmë thirrje publike, edhe unë personalisht, të vijë në gjyq, të përballet në seancë, nuk ka asnjë problem, të themi të vërtetat tona. Le të vendosë gjykata pastaj se kush po shpif në këtë mes.?-u shpreh Belind Këlliçi./CNA.al