E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gjiknuri me raport konfidencial / "Fajin e kanë të gjithë, me përjashtimin tim"

1 Qershor 2021, 17:21, Politikë CNA

Në një raport konfidencial të shkruar nga Damian Gjiknuri dhe që ju është shpërndarë strukturave të qarkut Vlorë, bien në sy akuzat e ish-ministrit për gjithë të tjerët.

Fajin për humbjen, sipas Gjiknurit e ka gjithkush, përveç atij. Në Vlorë PS ka pësuar një rënie prej mbi 6.600 vota.

Sipas “Raportit Gjiknuri”:

?Në Qarkun Vlorë, PS mori 59,023 vota (ose 57.91% të votave të vlefshme) duke përbërë qarkun me mbështetjen më të madhe të PS-së në rang vendi. Ashtu sikurse ndodhi edhe në 8 qarqe të tjera, edhe në Vlorë, rezultati i PS pati një rënie krahasuar me rezultatin e 2017. Rënia e PS në Vlorë ishte 6,661 vota ose 2.4%. Me përjashtim të Njësisë Administrative Konispol, në të gjitha njësitë e tjera administrative PS-ja kishte rënie.

Njësitë Administative Ksamil (-10.41%), Armen (-10.32%), Orikum (-9.85%) dhe Kotë (-9.60%) kishin rënien më të madhe në përqindjen e votave të marra. Njësitë Administrative Qendër (-618), Rajoni 1 (-604) dhe Sarandë (-598) kishin numrin më të lartë të votave të munguara nga 2017.

Qarku Vlorë pati pjesëmarrjen më të ulët të zgjedhësve si në rang kombëtar ashtu edhe në historikun e vet të zgjedhjejeve për Kuvendin e Shqipërisë.”

Në fillim, si fajtorë listohen të deleguarit dhe …Ilir Meta, Presidenti.

“118 të deleguar në struktura, patën performancë negative dhe rënie të numrit të votave. Në përqindje, janë 76% të të deleguarve që nuk kanë punuar sa duhet për të kapur votat e 2017.

Ka disa arsye që ka rënie të elektoratit dhe këtu përfshihet: fushata e Presidentit të Republikës për LSI dhe opozitën në përgjithësi si dhe ?mosmarrëveshjet me kryetarin e Bashkisë Vlorë?.

Pastaj fajtorë u gjetën kryetarët e Bashkive:

?Kryesisht bashkitë, kishin akumuluar probleme të shumta në administrimin e pushtetit lokal, duke shkaktuar pakënaqësi në rritje te një pjesë e elektoratit. Kjo ishte më e theksuar në Bashkinë Vlorë, ku nga sondazhet e organizuara më përpara dhe gjatë fillimit të fushatës, rreth 80% e të anketuarve kërkonin ndryshimin e drejtimit të bashkisë menjëherë pas zgjedhjeve. Bashkitë që u fituan në 2019 Selenica dhe Delvina, nuk ndikuan në favor të rritjes së votave për PS pasi prisnin më shumë ndryshim nga rimarrja e bashkive nga PS?.

Dhe sigurisht fajtorë të mëdhenj u gjendën deputetët e tjerë që morën vota më shumë se Damiani. Te kjo listë përjashtohet Rama sigurisht, megjithëse ai mori shumë më shumë vota se Damiani.

??Në zonat nën përgjegjësinë së kandidatëve Anila Denaj, Vullnet Sinaj dhe Niko Kuri, rezulton edhe numri më i lartë i votave të pavlefshme. Për më tepër, këto zona janë edhe zonat ku Kryetari i PS (njëherazi edhe Kryeministri i vendit) ka marrë përqindjen më të vogël të votave preferenciale?.

Fajtori më i madh, sipas Damianit është Dritan Leli.

?Pakënaqësitë e shtuara për drejtimin e Bashkisë Vlorë, mosmarrëveshjet (e mediatizuara) me kryetarin si dhe kontrasti i madh mes investimeve në projektet madhore të Vlorës (financime të qeverisë) si Lungomare, Bulevardi I. Qemali, lagja Historike etj, në raport me sistemimin e lagjeve të brendshme të qytetit të lëna në gjendje të rëndë infrastrukturore (financime të bashkisë). Mungesa e bashkëpunimit dhe kontributit në periudhën parazgjedhore dhe gjatë fushatës zgjedhore nga Kryetari i Bashkisë, uli kohezionin midis aktorëve të angazhuar dhe faktorëve ndihmues për fushatën e PS-së në këtë bashki.

Mbështetje me e dobët e institucioneve dhe burimeve qeveritare në qarkun e Vlorës krahasuar me vitin 2017 apo qarqet e tjera pasi asnjë nga deputetet apo te deleguarit kryesor nuk mbante ndonjë post të rëndësishëm zyrtar në nivel qëndror deri në fillimin e fushatës kur në listë u përfshi Ministria e Financave.

Përfshirja direkte e Presidentit të Republikës në fushatën elektorale në Qarkun Vlorë në mbështetje të opozitës, veçanërisht krah LSI dhe sulmet ndaj përfaqësuesve të mazhorancës?.

Kush e beson në PS që Damiani ka gjetur fajtorët?

Se që Damiani nuk paska kërkuar vota për vete, këtë s’ka njeri që ta besojë./CNA.al