E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gara në PD e paravendosur/ Jemin Gjana justifikon manipulimin

2 Qershor 2021, 10:56, Politikë CNA

Në 13 qershor, Partia Demokratike do të zhvillojë zgjedhjet për kryetarin e ri, ku në garë janë katër kandidatë, vetë kreu i PD, Lulzim Basha, Edith Harxhi, Fatbardh Kadilli dhe Agron Shehaj.

Por, ndërsa zgjedhjet po afrohen, duket se Lulzim Basha ka krijuar të gjithë infrastrukturën e mundshme, për të zhvilluar një process farsë dhe të manipuluar.

Sikurse CNA.al e ka raportuar edhe më parë, ajo që tashmë është fakt, është se gara zhvillohet në kushte tërësisht të pabarabarta. Lulzim Basha ka pas vetes të gjithë administratën e PD, ndërsa kandidatët e tjerë nuk kanë asgjë.

Për më tepër, Lulzim Basha ka fshehur edhe listën e anëtarësisë së PD, duke mos pranuar tua vërë në dispozicion edhe kandidatëve të tjerë. (Lexo këtu).

Por, ndërkohë sot, kreu I Komisionit Zgjedhor në PD, Jemin Gjana, ka tentuar të justifikojë manipulimin e procesit.

Në një intervistë për Report TV, Jemin Gjana deklaroi se ?U është krijuar mundësia që nëse duan staf të marrëdhënieve me publikun që ekziston në PD, mund të kenë një njeri në dispozicion, kur se kanë dashur i kanë zgjedhur vetë.

Secili prej kandidatëve do të kenë të njëjtën mbështetje logjistike, secili mund të ketë një njeri të PD që ti shkojë nga mbrapa. Edhe në degët lokale, siç janë të detyruar të shoqërojnë Bashën, janë të detyr të shoqërojnë cdo kandidat në garë.?.

Në fakt, ajo çfarë thotë Jemin Gjana duket pak e vështirë për t?u besuar, pasi PD me aq staf sa ka e ka të vështirë për të mbuluar Lulzim Bashën, dhe jo më kandidatët e tjerë.

Për më tepër mjafton të shikojmë faqen zyrtare të Partisë Demokratike në rrjetet sociale, dhe kupthet fare qartë sesa në kushte të ?barabarta? po zhvillohet gara.

Në faqen zyrtare të PD në rrjetet sociale ka çdo ditë video nga takimet e Lulzim Bashës me demokratët në degët lokale, takime të gjitha në kuadër të fushatës për zgjedhjet e 13 qershorit, por nuk ka asnjë video të kandidatëve të tjerë. (Lexo ketu)

Lulzim Basha ka kryetarët e degëve, ka administratën e PD, ka listat e anëtarësisë, ka në dispozicion të gjithë infrastrukturën e PD, ndërsa kandidatët e tjerë nuk kanë asgjë.

Nëse vërtetë Lulzim Basha do donte të bënte një garë të barabartë dhe të ndershme, do kishte dhënë dorëheqjen dhe do kishte garuar njëlloj si kandidatët e tjerë. Por, mesa duket ai ka frikë të japë dorëheqjen, sepse do të humbte. Dhe kështu përdor ?Jeminin e tij? për të justifikuar manipulimin e procesit./CNA.al

Fakti-Gara për kreun e PD e paravendosur/ Basha manipulon fushatën

?Masakra zgjedhore? që po përgatit Lulzim Basha/ Demokratët përballë provës

Basha “zhduk” anëtarët/ Rivalët nuk i marrin dot emrat