web counter
LEXO PA REKLAMA!

SHKARKO APP

App Store
Google Play

E fundit!

x

Dritan Leli takohet me kunatin e Bashës?/ Kryebashkiaku tregon si qëndron e vërteta

2 Qershor 2021, 17:00, Politikë CNA

Dritan Lelit kryebashkiaku i Vlorës është parë nën shoqërinë e Erion Isufajt, kunatit të Lulzim Bashës, sipas disa mediave.

Leli dhe Isufaj janë filmuar teksa bisedojnë pas murit të Akademisë së Arteve në Tiranë, por nuk dihet ende se cila ka qenë tema e bisedës.

Kryetari i PS-së në Vlorë, Anduel Tahiraj deputet i zgjedhur në 25 Prill, por njëkohësisht anëtar i këshillit bashkiak të qytetit bregdetar ka reaguar përmes një postimi në rrjetet sociale duke sulmuar kryebashkiakun Dritan Leli pas lajmit që qarkulloi në media se u takua me kunatin e Lulzim Bashës.

?Nuk na intereson se kë takon Dritan Leli pas mureve në Tiranë, po duam vetëm të pastrojë plehrat kapicë gjer në majë të mureve në Vlorë! Nuk duam ta dimë çfarë mund ta lidhë Dritanin me Kunatin më të famshëm të Ballkanit, po duam që Dritani të mbyllë gropat e rrugëve që lidhin lagjet e Vlorës! Dritan kthehu në Vlorë se (nuk) të pret puna? shkruan ai.

Ndërkohë që vetë kryebashkiaku e ka mohuar një fakt të tillë, duke thënë se kjo është një skenar i stisur nga të tjerët, duke shtuar se me kunatin e Bashës nuk është takuar asnjëherë.

?Për të gjithë ata që nxjerrin çfarë duan e nuk shohin çfarë nxjerrin, me gjithë skenarët e qëndisur, më duhet të them se në videon e publikuar nga media, ndërkohë që është duke u zhvilluar Asambleja Kombëtare e Partisë Socialiste, jam duke biseduar me inxhinierin e pedagogun vlonjat Idlir Dervishi, në oborrin e Akademisë së Arteve, pranë Universitetit Politeknik, ku Idliri punon! Kunatin e Lulit, as nuk e kam parë, as nuk e kam takuar ndonjëherë në jetë?, shkruan Leli./CNA.al

 





Lajmet e fundit nga