web counter
LEXO PA REKLAMA!

SHKARKO APP

App Store
Google Play

E fundit!

x

Plas sërish te Kosova, Berisha akuzon trajnerin për jo profesionalizëm

28 Maj 2021, 06:35, Sport CNA

Bernard Shaland ka publikuar dy ditë më parë listën e përfaqësues së Kosovës për ndeshjet miqësore ndaj San Marinos dhe Maltës, ku do të provojë emra të rinj që ka në dispozicion dhe të përgatitë vijimësinë në kualifikueset e Botërorit. Një ssitë që edhe këtë radhë, siç ka ndodhur shpesh së fundmi, është shoqëruar me polemika.

Një prej të pakënaqurve që kanë mbetur jashtë është Bernard Berisha, marrëdhënia e të cilit me Shaland nuk është ndër më të mirat dhe është bërë publike që pas atij goli të famshëm ndaj Greqisë me ?dedikim? për trajnerin. Lojtari, nëpërmjet një postimi në rrjetet sociale, e ka vlerësuar si sjellje joprofesioniste atë të teknikut dhe stafit të tij që nuk i kanë dhënë asnjë shpjegim për mungesën.

?Përshendetje për të gjithë, duke e parë që kam marrë shumë mesazhe e ndjej për obligim ta sqaroj të vërtetën.

Selektori ka vendos që unë te mos ftohem për këto 2 ndeshje miqësore në qershor. Realisht, Selektori ka të drejtë sepse janë miqësore dhe duhet te provohen lojtarët e rinj, por ajo qa nuk më pëlqen dhe që është jo profesionale është fakti se ata nuk më kanë kontaktuar askush për mos ftesën duke parë që kam berë një sezon shumë të suksesshëm.

Prandaj mendoj se Selektori të paktën të tregohet i sinqertë dhe të na kontaktojë sepse bisedën e fundit që e kemi pasur në Shqipëri, ai më dha shumë shpresa dhe në fund prapë u zhgënjeva. Unë i dëshiroj Kosovës shumë suksese?, ishin fjalët e futbollistit.





Lajmet e fundit nga