web counter
LEXO PA REKLAMA!

SHKARKO APP

App Store
Google Play

E fundit!

x

Teuta në Champions League, zbulohen kundërshtarët që e presin

27 Maj 2021, 19:29, Sport CNA

Titulli kampion vjen me një dhuratë të madhe për skuadrën e Teutës pasi në këtë verë do të shënojë për herë të parë në historinë e saj pjesëmarrjen në Ligën e Kampioneve. Ky është një aktivitet të cilin durrsakët nuk e kanë provuar asnjëherë më parë, pasi 27 vite më parë, titulli i çoi në Kupën UEFA dhe jo në turneun elitë të kontinentit.

Një arritje e rëndësishme për durrsakët, por edhe një përgjegjësi e madhe për paraqitje dinjitoze, pasi përballë do të kenë emra të njohura të futbollit evropian dhe disa emra të njohura edhe për publikun shqiptar.

Ashtu siç pritej, për shkak të koeficientit, ekipi durrsak do të renditet në vazon e ekipeve jopretendente, që do të thotë se mund të përballet me disa kundërshtarë të vështirë si Dinamo e Zagrebit, Malmoe, apo edhe kampionia e Izraelit që pritet të shpallet këtë javë.

Por ndërkaq, në vazon e ekipeve të forta janë shumë emra të njohur, duke filluar nga Shkëndija e Tetovës, për të vazhduar me pas me Ferencvaroshin e Myrto Uzunit apo Legia Varshavën e Ernest Muçit, të gjithë rivalë të fortë që kanë pretendime në turne. Në listën e kundërshtarëve të mundshëm është edhe Buduçnost Podgorica, një skuadër e cila këtë vit ka bërë ligjin në Malin e Zi, nën drejtimin e ish-trajnerit të Luftëtarit e Kukësit, Mlladen Milinkoviç.





Lajmet e fundit nga