E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Lideri që nuk u bë kurrë/ Lulzim Basha në luftë me “mullinjtë e erës”

25 Maj 2021, 12:36, Politikë CNA

Kryetari i Republikës së re, Lulzim Basha, duket se vuan së tepërmi nga një kompleks, që është ai i liderit që nuk u bë kurrë.

Dhe si gjithmonë, në vend të mësojë nga gabimet, përsërit të njëjtat refrene, me kaseta të regjistruara, që i shpërndan mediave.

Por, tashmë duket se ka edhe filluar të shohë ëndërra me luftëra e me beteja.

Në një takim të zhvilluar së fundmi në Berat, Lulzim Basha ka thënë se ka zhvilluar një prej betejave më të rrepta të pluralizmit. Madje 25 prilin e ka krahasuar me betejen e viteve ?90, që solli përmbysjen e regjimit komunist në Shqipëri.

Në fakt Basha nuk përmbysi asgjë, përveç një tjetër dështimi që i solli partisë që ai drejton prej tetë vitesh, por për Lulin rëndësi ka beteja, jo fitorja.

?Takohemi pak javë pas një prej betejave më të rrepta që ka njohur vendi dhe që ka kryer Partia Demokratike në 30 vite të pluralizmit. Një betejë e cila është luftuar në çdo cep të Shqipërisë, edhe këtu në Kuçovë.

Nga kjo pikëpamje, ndonëse stacioni i 25 prillit nuk përbën ndryshimin për të cilin luftuam, ndonëse ndryshimi përkohësisht është i ndalur, diçka e kemi arritur: kemi treguar forcën tonë, por dhe forcën e njerëzve. Sepse jemi përballur njësoj si në 91-shin, ne me asgjë dhe ata me gjithçka.?-tha Basha.

Duke mos pranuar humbjen, siç do të bënte një lider i vërtetë, Lulzim Basha imagjinon beteja.

Në fakt betejat e Lulzim Bashës ngjasojnë me ato të Don Kishotit me mullinjtë e erës, sepse donkishoteske janë tanimë jo vetëm shfaqjet që ai bën, por edhe veprimet e tij.

Donkishoti, ose kalorësi i Fytyrës së Vrerosur, ishte në kërkim të aksioneve për të shpëtuar të mirët e për të ndëshkuar të keqen, sepse kështu do të duhej të mbante titullin kalorësiak që i kishte veshur vetes. Kështu që edhe Lulzim Basha është në kërkim të ?betejave?, për të mbajtur karrigen e kryetarit të PD.

Dhe në kërkim të betejave absurde, duket se po ndeshet me ?mullinjtë e erës?.

Por, ashtu si ai Don Kishoti në veprat e Servantesit, edhe ?Don Kishoti? ynë e ka një personazh, një shërbëtor besnik që quhet Sanço Panço, por sy e mendjehapur që, megjithëse e shikon se beteja për kalorësinë është një humbje e sigurtë, është i destinuar të ndajë të njëjtin fat me atë të të zotit. Dhe ky ?Sanço Panço?, e ka emrin Gaz Bardhi. Shërbëtori besnik i Lulzim Bashës.

Po ashtu Basha është shprehur se ?Ne jemi të vetmit që kemi fuqinë, përvojën dhe kurajën për ta çuar deri në fund betejën tonë për ndryshim?.

Në fakt Basha ka shumë të drejtë, ai është i vetmi në llojin e tij.

Ai është i vetmi që mund ta ndryshojë PD në këtë formë. Është i vetmi që ndryshimin e sjell vetëm për veten e tij dhe kurrë për demokratët. Ai është i vetmi, të dytë nuk ka./ CNA.al