Berisha non-grata nga SHBA/ Helga Vukaj shkel nenin që propozoi për Doshin

25 Maj 2021, 11:35, Politikë CNA

Anëtarja e Komisionit Rregullator të Komisioni Qendror të Zgjedhjeve, Helga Vukaj, me 10 Mars i ka kërkuar KQZ-së, që të mos regjistrojë në zgjedhjet e 25 prillit, personat që nuk plotësojnë kriteret e vendosura nga SHBA dhe BE, në lidhje me integritetin.

Duke iu referuar rastit të Tom Doshit, Vukaj ka përcaktuar edhe nenin 12 të Kodit Zgjedhor që nuk u lejon personave me precedentë të tillë për të kandiduar.

?Në bazë te nenit 12, pika 4, nenit 20, pika 1, gërma a dhe në respektim të nenit 73 ?Verifikimi i Dokumentacionit të Kandidatëve?, të Kodit Zgjedhor si edhe në zbatim të nenit 2, pika 2, gërma b, të ligjit nr. 138/2015 ?Për garantimin e integritetit të personave që zgjidhen, emerohen ose ushtrojnë funksione publike? sipas te cilit :

Neni 2

Personat që ‘janë dëbuar nga territori i një shteti anëtar të BE-së, SHBA-së, Kanadasë, Australisë, në lidhje me një prej rasteve të parashikuara në pikën 1, shkronjat ?a?, ?b? dhe ?c?, të këtij neni, apo janë dëbuar për cenim shumë të rëndë dhe serioz të sigurisë publike të shtetit përkatës‘, thuhet në propozimin e Vukajt.

Por, Doshi fitoi mandatin dhe më pas u tërhoq.

Non-grata nga SHBA, së fundmi është shpallur edhe ish-Presidenti Sali Berisha dhe familja e tij.

Ishte Sekretari Amerikan i Shtetit Antony Blinken, njoftoi se është futur në ?listën e zezë të Amerikës, ish-Presidenti dhe ish-Kryeministri Sali Berisha.

Ndërkohë nga zonja Helga Vukaj anëtare e Komisionit Rregullator, e cila reagoi për rastin Doshi, që mos të regjistrohet për të kandiduar si deputet, nuk ka asnjë reagim për rastin Berisha.

Berisha ka fituar në zgjedhjet e 25 Prillit, mandatin e deputetit, por, a do ta kërkojë Helga Vukaj, dorëzimin e mandatit, duke iu referuar të njëjtit nen që ajo citoi për Doshin.

CNA.al ka kontaktuar anëtaren e Komisionit rregullator, znj. Helga Vukaj për ta pyetur këtë rast, që kanë të përbashkët shpalljen non-grata nga SHBA.

Pasi nuk ka denjuar të hapte telefonin dhe ne e kemi vënë në dijeni për informacionin që kërkonim në rrjetin social Whatsapp, por sërish nuk kemi marrë përgjigje./CNA.al