E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Basha "zhduk" anëtarët/ Rivalët nuk i marrin dot emrat

25 Maj 2021, 10:45, Politikë CNA

Partia Demokratike pritet që me datë 13 qershor të zhvilllojë zgjedhjet për kryetarin e ri të kësaj force politike, ku në garë janë katër kandidatë, vetë Lulzim Basha, Edith Harxhi, Agron Shehaj dhe Fatbardh Kadilli.

Përtej faktit që gara që po zhvillohet nuk është aspak demokratike dhe aspak në kushte të barabarta, kjo sepse Lulzim Basha garon ndërkohë që është në postin e kryetarit, ndërkohë që kryetar komisioni ka vënë Jemin Gjanën, e të tjera si këto, ka edhe një tjetër detaj.

Lulzim Basha ka ?zhdukur? anëtarët e partisë.

CNA.al ka siguruar një dokument, i cili tregon se Lulzim Basha nuk pranon që të vërë në dispozicion të kandidatëve listën e plotë të anëtarësisë së PD. Absurdi shkon edhe më tej, ku këerkesës së kandidatëve, për të pasur në dispozicion listën e anëtarësisë, Sekretari i Përgjithshëm i PD i është përgjigjur se kjo është konfidenciale dhe se nuk mund t?iu vihet në dispozicion palëve të treta.

Pra, vetë Lulzim Basha, i cili është edhe kandidat për tu rizgjedhur e ka listën, ndërsa kandidatët e tjerë i quan palë të treta dhe nuk mund ta marrin.

Ndoshta Gazi i Lulit nuk e di, nuk do ta dijë, apo ka urdhër nga Lulzim Basha të ?zhdukë? anëtarët, këtë përgjigje vetëm ai mund ta japë.

Por, emër, mbiemër dhe degë ku voton çdo anëtar nuk është e dhënë personale. Janë anëtarë partie, organizatë që ushtron aktivitet të lirshëm brenda dhe jashtë territorit. Nuk është llozhe subversive që ka për qëllim grushte shteti dhe anëtarët duhen mbajtur sekret.

Të dhënat personale çdo anëtar partie ja ka dhënë partisë për ushtrimin e aktivitetit të partisë, kominikime nga strukturat, njoftime takimesh dhe përcjellje mesazhesh. Fushata për kryetar partie është një aktivitet kryesorë i partisë, vetëm në këtë rast nuk u dashkan përdorur të dhënat e anëtarëve?

Pra këta që nesër do drejtojne partinë nuk mund të kenë të dhënat e demokratëve?

Bindjet politike qenkan e dhënë personale?

Po ata janë anëtarë partie e me këtë akt kanë bërë publike mbeshtetjen për një grupim të caktuar politik, madje jo vetëm kaq por dhe kanë shprehur vullnetin për të ndihmuar subjektin në arritjen e qëllimeve politike.

Faktet flasin vetë dhe tregojnë qartë se Lulzim Basha po zhvillon të gjithë skenarët, për të mos pasur një proces demokratik dhe një garë të ndershme brenda partisë./ CNA.al