E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Refuzoi formularin e dekriminalizimit/ Zbulohet emri i deputetit

25 Maj 2021, 10:20, Politikë CNA

Gledis Çeliku është kandidati i zgjedhur deputet me PSD në Shkodër më 25 prill. I njëjti person ishte numri 2 në listën shumë-emërore të PSD më 2017 dhe për rrjedhojë, pas dorëheqjes së deputetit Doshi, mandati i kalon numrit 2, Çeliku.

Sipas ligjit 138/2015 kandidati do të duhej të dorëzonte formularin e dekriminalizimit përpara se të marrë mandatin nga KQZ, por ai ka refuzuar dorëzimin në afatin ligjor. Nuk dihen arsyet reale të refuzimit. Për pasojë KQZ është duke marrë vendimin për refuzimin e dhënies së mandatit 4 mujor për Çelikun, ndërkohë që në shtator ai nis një mandat të plotë 4 vjeçar. Sipas ligjit, mandate 4 mujor do t?i kalojë kandidatit pasues në listën e vitit 2017, Jetmira Rraboshta.

A ka sens që një kandidat që humb mandatin tani (maj-shtator) sepse refuzon dekriminalizimin, të marrë mandat të ri 4 vjeçar (2021-2025) në shtator sepse mund të plotësojë deklaratën e dekriminalizimit? A janë deputetët e rinj, të zgjedhur më 25/4 më cilësorë dhe më me integritet sesa parlamenti i kaluar (që vijon deri në shtator)? A do të kemi dorëheqje dhe largime të tjera për shkak të dekriminalizimit dhe si është e mundur që ka individë që bëjnë gjithçka për të kandiduar & fituar mandat për të dhënë dorëheqje më pas pa nisur ende ushtrimi i mandatit??

Për më shume detaje: në materialin paraprak vendimmarrës të KQZ thuhet:

Komisioni Qendror i Zgjedhjeve në zbatim të pikës 3 të kreut II të vendimit nr.17/2016, të Kuvendit, ?Për përcaktimin e rregullave të detajuara mbi zbatimin e ndalimeve të parashikuara në ligjin nr.138/2015, me shkresën nr. 5034 prot., datë 07.05.2021, i është drejtuar z. Gledis Esat Çeliku duke e njoftuar për depozitimin në KQZ të formularit të vetëdeklarimit për garantimin e integritetit të kandidatit. Referuar pikës 3 të Kreut II të vendimit nr.17/2016 të Kuvendit, afati i fundit për depozitimin në Komisionin Qendror të Zgjedhjeve të formularit të vetëdeklarimit ishte data 20.05.2021. Brenda afatit të sipërcituar nuk është depozituar pranë Komisionit Qendror të Zgjedhjeve formulari i vetëdeklarimit për garantimin e integritetit nga z. Gledis Esat Çeliku.

Referuar nenit 5, pika 2 të ligjit nr.138/2015, refuzimi për të dorëzuar formularin e vetëdeklarimit ose mosparaqitja e formularit përbën shkak për mosregjistrimin apo moszgjidhshmërinë e kandidatit si deputet i Kuvendit. Gjithashtu referuar Kreut II, pika 3 të vendimit të Kuvendit nr.17/2016, nëse subjekti nuk depoziton formularin e vetëdeklarimit brenda afatit, konsiderohet se refuzon propozimin e organit kompetent për kandidim, zgjedhje apo emërim. Në këtë rast, organi kompetent ndërpret procedurën për propozimin e këtij subjekti
për t?u kandiduar, zgjedhur apo emëruar në atë funksion publik. Referuar nenit 11, pika 2 të ligjit nr.138/2015, konstatohet se kandidati i rradhës në listën shumemërore të Partisë Socialdemokrate, Qarku Shkodër, nuk dorëzoi formularin e vetëdeklarimit brenda afatit ligjor.

ISP po monitoron jetesimin e procesit te dekriminalizimit dhe praktikat zgjedhore e te integritetit ne partite politike, mbeshtetur nga Qeveria e Mbreterise se Vendeve te Ulta dhe nga programi The National Endowment for Democracy (NED)./CNA.al