web counter
LEXO PA REKLAMA!

SHKARKO APP

App Store
Google Play

Basha fillon fushatën për kreun e PD/ Vë administratën në shërbim

25 Maj 2021, 11:33, Politikë CNA

Ndërkohë që zgjedhjet e 13 qershorit për kryetarin e ri të PD-së po afrojnë, duket se kryetari i kësaj force politike, Lulzim Basha, i cili njëkohësisht edhe kandidon për tu rizgjedhur në postin e kryetarit, duket se ka filluar fushatën.

Në një takim që ka zhvilluar me demokratët e Beratit, Basha ka folur me premtime elektorale, duke thënë se prioriteti i tij është bashkimi i PD-së dhe se nga kjo garë e brendshme PD do të dalë me fortë.

?Unë e di që ju e doni Partinë Demokratike të jetë e bashkuar dhe e fortë dhe ju garantoj që ky është dhe prioriteti im i parë dhe kryesor që nga kjo garë, nga ky proces i brendshëm të dalim të bashkuar dhe të fortë.

Partia Demokratike është më e madhe se gjithsecili prej nesh, duke filluar nga kryetari e deri tek anëtari më i thjeshtë dhe është edhe më e madhe se arritjet apo gabimet e gjithsecilit prej nesh, por vetëm bashkë me të gjitha arritjet dhe gabimet tona e di se mund dhe do t?ia dalim në krye për ta çuar deri në fund misionin me të cilën e kemi nisur betejën për ndryshim.?-është shprehur Basha.

Në fakt, ajo që vihet re është fakti se Lulzim Basha po krijon të gjitha kushtet e një gare aspak demokratike dhe aspak në kushte të barbarta brenda PD.

Në zgjedhjet e 2017 të paktën luajti lojën ngriva-shkriva, ndërsa në këto zgjedhje Basha garon, ndërkohë që është kryetar.

Për më tepër një tjetër detaj që vihet re është edhe vënia në shërbim të tij, e administratës së partisë.

Basha ishte në Berat duke folur me premtime elektorale dhe takimi u transmetua live edhe në faqen zyrtare të Partisë Demokratike në rrjetet sociale. Ndërkohë rivalët apo kritikët e Lulzim Bashës jo vetëm që nuk transmetohen live nga PD, por për më tepër duket se as në mediat që kontrollohen prej tij.

Pra, Lulzim Basha nga njëra anë del e flet për bashkim dhe nga ana tjetër kritikëve dhe rivalëve ju mbyllen edhe faqen zyrtare në rrjetet sociale, por edhe në mediat që kontrollon.

Kjo është fryma e bashkimit dhe demokracia që ofronm Lulzim Basha./ CNA.al





Lajmet e fundit nga