Dialogu Kosovë-Serbi/ Robelli: SHBA mund të përshpejtojë zgjidhjen

25 Maj 2021, 21:15, Kosova & Bota CNA

Sipas gazetarit Enver Robelli ndryshimi i presidencës së SHBA-ve mund të ndryshojë edhe angazhimin ndaj dialogut Kosovë-Serbi ku përfshirja e saj mund të përshpejtojë ?një zgjidhje të kënaqshme mes palëve. Për sa i përket qëndrimit të BE-së, sipas tij, ndikim domethënës mund të kenë zgjedhjet në Gjermani.

Robelli, kryeredaktor i gazetës zvicerane ?Tages-Anzeiger?, analizoi në emisionin ?Ilva Tare? në Euronews Albania diplomatët e përfshirë në dialogun Prishtinë-Beograd, ku me ardhjen në krye të SHBA-ve të Presidentit Joe Biden mund të ketë ndryshime.

?Me ardhjen e administratës [së Presidentit Joe] Biden do ketë një angazhim të ri të SHBA në dialogun mes Kosovës dhe Serbisë,? ? komentoi Robelli, i cili ishte i mendimit se kjo përfshirje e SHBA-ve mund t?i interesojë edhe BE-së pasi përshpejton ?zgjidhjen e kënaqshme? të konfliktit mes dy vendeve.

Në Prishtinë ka pasur thirrje së fundmi për dërgimin e një përfaqësuesi të posaçëm të SHBA-ve për dialogun. Gazetari Robelli komentoi se aktualisht këtë rol mund ta kryejë edhe i dërguari për çështjet e Ballkanit Matthew Palmer dhe përveç tij edhe Philip Reeker.

?Zoti Palmer e ka një mandat për të ndërmjetësuar në Ballkan, mirëpo ky mandat u zbeh disi pasi Zoti Grenell u ngarkua si i dërguar personal, por në radhë të parë Palmer është i ngarkuar, gjithashtu kemi edhe Philip Reeker, ish-ambasador në Maqedoni të Veriut, njohës i mirë i rajonit dhe që kanë poste të larta në departamentin amerikan,? ? u shpreh Robelli.

Duke komentuar më pas qëndrimet e BE-së, Robelli shfaqi rezerva ndaj përfaqësuesit për politikë të jashtme Josep Borrell, i cili sipas tij ka shprehur në një takim qëndrimin e hapur ndaj ndryshimeve të kufijve mes Serbisë dhe Kosovës. Sipas Robellit qëndrimi i Brukselit mund të ripërcaktohet pas zgjedhjeve në Gjermani.

?Edhe brenda BE-së duhet të ketë qartësim, por mendoj se nuk do të ketë qartësim deri sa të ketë zgjedhje në Gjermani, Zonja Merkel duket se e ka kryer misionin e saj dhe duhet pritur qeveria e re gjermane, dhe të shpresojmë se do të kenë sidomos të gjelbërit, të ambientuar me konfliktin e Kosovës, të gjelbërit do të kenë një rol të caktuar në politikën e jashtme?, shtoi Robelli./ Euronews Albania