web counter
LEXO PA REKLAMA!

SHKARKO APP

App Store
Google Play

E fundit!

x

Berisha në listën e zezë të SHBA/ Kadilli: I ka mundësitë të sqarohet privatisht pa përfshirë PD

20 Maj 2021, 15:14, Politikë CNA

I vetshpallur kandidat për kryetar të PD Fatbardh Kadilli ka reaguar për vendimin e DASH i cili shaplli ?non grata? ish kryeministrin Sali Berisha.

Në një postim në rrjetet sociale ai është shprehur se Berisha i ka të gjitha mundësitë që ta sqarojë privatisht këtë çështje. Kadilli shprehu bindjen se Berisha nuk do të përfshijë Partinë Demokratike në këtë vendim.

Ai u shpreh se lajmi i shpalljes ?non grata? ka provokuar shumë emocione për mbështetësit dhe ata që kanë rrugëtuar me Berishën në politikë krah tij.

?Lajmi i shpalljes së z. Berisha persona non grata nga Sekretari i Shtetit, ka provokuar shumë emocione, sidomos mes mbështetësve dhe atyre që kanë rrugëtuar në politikë krah tij.

Në 30 vjetorin e vendosjes se marrdhënieve diplomatike me Shtetet e Bashkuara, ky vendim sjell shqetësim për të gjithë. Kujtoj ende imazhet e drejtuesve demokratë Berisha dhe Pashko, si të ftuar specialë të këtij momenti historik.

Sot, në një situate krejtësisht të përmbysur, Berisha i ka të gjitha mundësitë, synimet dhe etikën të mbrohet dhe ta sqarojë këtë çeshtje privatisht.

Kam bindjen se ai do e shmangë PD nga përfshirja në këtë çështje të së djeshmes duke e marrë nën emrin e vet betejën finale për emrin dhe historinë.

Partia Demokratike, si partia e atyre që formuluan idetë politike dhe u frymëzuan nga zëri dhe ethosi amerikan, do të jetë dhe duhet të jetë e qartë në qëndrimin ndaj vlerave të lirisë dhe demokracisë, dhe nuk do t?i kompromentojë në asnjë rast marrdhëniet me partnerin strategjik dhe mikun më të madh të Shqipërisë?, ka shkruar Kadilli./ CNA.al





Lajmet e fundit nga