E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Detaji në deklaratën e Berishës/ Mesazhi i fortë për Lulzim Bashën, çfarë e lidh atë me Soros

20 Maj 2021, 12:48, Politikë CNA

Ish-kryeministri dhe ish-presidenti i Republikës, Sali Berisha ka mbajtur një qëndrim mjaft të fortë një ditë më parë në një postim në rrjetet sociale. Reagim ky që erdhi pas publikimit nga Sekretari Amerikan i Shtetit, të vendimit që i ndalonte Berishës dhe familjes së tij hyrjen në SHBA.

Berisha mbajti një qëndrim të fortë, por edhe mjaft diplomatik. E ndërsa ftonte zyrtarin amerikan të publikonte çdo dokument që vërteton akuzat ndaj, gjithashtu përmend edhe raportet dhe konsideratën që ka për aleatin strategjik të Shqipërisë, siç janë Shtetet e Bashkuara të Amerikës. (Lexo ketu)

Por, nëse do të hyjë në detaje të deklaratës së Berishës dhe të lexosh mes rrjeshtave, ka edhe një fjali që nuk i drejtohet Sekretarit Amerikan, por duket si një mesazh i drejtpërdrejtë për politikën në Shqipëri.

Mesazhi është mjaft i qartë, dhe i drejtohet jo vetëm kryeministrit Edi Rama, por duket se shigjeton edhe kreun e Partisë Demokratike, Lulzim Basha.

?Kam denoncuar ne mediat shqiptare dhe te huaja, duke ditur shume mire pozicionin por edhe lidhjet e panumerta te tij, multimiliardierin George Soros, si korruptorin me kryesor te politikaneve te sotem dhe ne gjykimin tim, si nje armik te vertete te demokracise ne vendin tim.?-shkruan Berisha.

Në fakt kjo fjali e Berishës, është mjaft e qartë.

Në media janë përfolur shpesh akuza apo edhe deklarata të personazheve të ndryshëm në drejtim të kryeministrit Edi Rama, për lidhje me Soros.

Por, po Lulzim Bashën çfarë e lidh me Soros?

Përtej akuzave, deklaratave apo qëndrimeve të personazheve të ndryshëm, ka një fakt që e lidh Lulzim Bashën me Soros.

Kujtojmë këtu se CNA.al ka publikuar më parë një dokument, i cili tregon se Lulzim Basha është shkolluar me paratë e Soros.

Gjithçka fillon në vitin 1995, ku sipas një dokumenti të publikuar gjerësisht i cili qarkullon në media, është fakti se Lulzim Basha ka siguruar një fond prej 7324 dollarësh së bashku me bashkëshorten e tij. Sipas të dhënave kjo shumë parash është dhënë atëherë për Lulzim Bashën, kur studionte në universitetin e Utrecht, të cilin i është dashur rreth 16 vjet për ta përfunduar. (Lexo këtu).

Më tej një tjetër fakt është pritja që Lulzim Basha i bëri George Soros në Selinë e PD-së, gjë të cilën Berisha nuk e kishte bërë.

Dhe së treti është fakti se Lulzim Basha iu ka dhënë mbështetje dhe ka mbushur PD-në, me njerëz të njohur si Sorosianë, si Grida Duma, Ervin Salianji, Edmond Spaho, apo edhe Fatbardh Kadilli, të cilin së fundi duket se po e përdor për t?i plotësuar farsën e zgjedhjeve të 13 qershorit.

Sot, në kupolën e PD-së përfshihen shumë nga njerëzit e fondacionit të George Soros, fondacion i cili është akuzuar ashpër edhe nga ish-kryeministri dhe lideri historik i PD-së, Sali Berisha. Por, mesa duket Lulzim Basha është aty ku ishte planifikuar për t?u zgjedhur nga Soros.

Faktet janë fakte dhe kush do ta lexojë atë çfarë ka shkruar Berisha në postimin e tij, është mjaft e qartë./ CNA.al

Zbulohet pse hesht kreu i PD-së/ Basha u shkollua me paratë e Soros

U shpall non grata/ Sali Berisha thyen heshtjen, i përgjigjet Antony Blinken