web counter
LEXO PA REKLAMA!

SHKARKO APP

App Store
Google Play

Pas vendimit të DASH për Berishën/ Arvizu: Kjo ishte një bombë për politikën shqiptare

20 Maj 2021, 13:51, Politikë CNA

Departamenti Amerikan i Shtetit ka shpallur ish kryeministrin dhe ish presidentin Sali Berisha dhe familjen e tij non grata në SHBA.

Ky lajm ka marrë një jehonë të madhe jo vetëm në Shqipëri, por edhe jashtë territorit të vendit.

Reagimieve të shumta mbi këtë vendim të paprecedentë në historinë e 30 viteve të fundit të demokracisë shqiptare, i është shtuar dhe ajo e ish-ambasadorit amerikan në Shqipëri Alexandre Arvizu.

Arvizu në një prononcim për MCN deklaroi se vendimi ishte një bombë për politikën shqiptare.

?Vendimi ishte një bombë për politikën shqiptare?, tha shkurtimisht Arvizu.

Kujtojmë se ish-ambasadori Alexander Arvizu e quajti ish-kryeministrin Berisha ?burrë shteti? pas protestave të 21 Janarit 2011, ku humbën jetën 4 qytetarë si pasojë e të shtënave nga Garda e Republikës.

Në reagimin zyrtar DASH-i deklaroi se Berisha, në cilësinë e Kryeministrit të Shqipërisë, ka qenë i përfshirë në ?veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij?.

Ndërkohë nga ana tjetër Berisha i është përgjigjur edhe dje kësaj deklarate nga Blinken duke theksuar se në 30 vite karrierë në politikë nuk ishte akuzuar asnjëherë për korrupsion, ndërsa sot në orën 18:00 pritet të dalë në një konferencë për shtyp nga hotel Rogner./CNA.al





Lajmet e fundit nga